Aagaya ahle aza mahe muharram chalo watan ko chalen
Har azadar ka dil kahta h paiham chalo watan ko chalen
(1) Hilalo shaam e muharram ye kya khabar laaye
Ke ranjo dard k badal har ek taraf chhaye
Sabhi ye kahte hain
Na jaane kyon aakhir
Ye chand dekh k aankhon me ashk bhar aaye
Har azadar ka dil kahta h paiham chalo watan ko chalen
(2)Na jaane mahe muharram ki kaesi h taseer
Watan se door jinhen le ke jati h taqdeer
Wo is mahine me
Tamanna karte hain
Watan me ja ke karen hm bhi matam e shabbir
Har azadar ka dil kahta h paiham chalo watan ko chalen
(3) Watan se door jo rahte hain is mahine me
Watan ki yaad machalti h unke sine me
Mere pisar k muhib
Watan pahunch jayen
Duaen karti h ek maa'n yahi madine me
Har azadar ka dil kahta h paiham chalo watan ko chalen
(4)watan me ja kr ghame be watan manayenge
Nabi k laal pe ashke aza bichhayenge
Ghareeb khano me
Bichha k farshe gham
Janabe fatima zahra ko ham bolayenge
Har azadar ka dil kahta h paiham chalo watan ko chalen
(5) isi mahine me ujda h khandane batool
Isi mahine me mara gaya h jaane rasool
Isi mahine me
Nabi k gulshan ka
Bala k dasht me bikhra hua h har ek phool
Har azadar ka dil kahta h paiham chalo watan chalen
(6)ba yade tashnagiye ibne fatima zahra
Sada pilayenge pyason ko pani ahle aza
Zamane walon ko
Batate jayenge
Ke karbala me tha nahre furat pe pahra
Har azadar ka dil kahta h paiham chalo watan ko chalen
(7) alam bhi hazrat e abbas ka uthayenge
Or uspe phool aqidat k ham chadhayenge
Mareez duniya k
Alam ki chhaon me
Ali k laal se aakr shifayen payenge
Har azadar ka dil kahta hai paiham chalo watan ko chalen
(8)watan se door jo rahte hain aye shabih o raza
Ye unse kah do sakina ko yaad kar len zara
sada jo roti thi
Watan ki yaadon me
Magar watan usey jana naseeb ho na saka
Har azadar ka dil kahta hai paiham chalo watan ko chalen