Aaj har farsh e azaa viraan hai

Hum se rukhsat ho rahe mehmaan hai

Hasrat e girya adhuri reh gayi

Dil mera is baat se hairaan hai

Gham mein rone ko wohi bid’at kahe

Dard e dil se jo abhi anjaan hai

Ahl e bid’at kaise Jannat jaaoge

Goonj maatam ki wahaa’n har aan hai

Aao aakar majliso’n mein jaan lo

Raah e Jannat kis qadar aasaan hai

Saath dete hain faqat mazloom ka

Har Shia ki bas yehi pehchaan hai

Parcham e Abbas, maatam, majlisein

Meri bakshish ka yehi saamaan hai

Lamha lamha dil se nikle Yaa Husain

Meri har dhadkan ka ye unwaan hai

Zurriyat meri likhein Nauhe ‘Salim’

Mere dil me ek yehi armaan hai