Ab bhi aati hai sakina ki sadaen logo haye zindaano se

mere baba se mila do mai duae'n dungi,

siskiya leke jo kehti thi musalmano se

1. Bole sajjad sakina, yeh muqaddar tera..(2)

bekafan tujhko liye firta hu bazaaro'n mein

aur lahu aaj bhi jaari hai tere kaano se

2. Jaa ke maqtal mein pukari yeh sakina rokar..(2)

bhaiyya qasim, mere akbar, tum kaha ho saare

mere baba ko bacha lo aake shaitano se

3. Labe darya se alamdar ki aayi hai sada..(2)

ae sakina tujse sharminda hai chacha tera

paani pohcha na saka haye kate shaano se

4. Aaj azaane bayak waqt fiza mein goonji..(2)

saniye zahra ke khutbo'n ko dabane ke liye

shor barpa kiya darbaar mein azaano se

5. Boli masooma phuphi reet hai ye shamiyo ki..(2)

karke paband e rasan aur girake patthar

is tarah chot to milta nahi mehmano se

6. Qayam e aale mohammad ye hai akhtar ki dua..(2)

sadqa hasnain ka hai maula sadaye matam

hashr tak yuhi sada goonje azakhano mein