Abbas abbas (4)

Kehte hai lahoo apna bahakar tere gham khuwaar

Abbas abbas (4)

1) Allah ka ki be misl shariyat ke muhaafiz

Wallah tumhi chadar e ismat ke muhafiz

Hadh yeh hai risalat ke imamat ke muhaafiz

Shabbir ke lashkar ke alamdaar alamdaar

2) jo shah ki adawat me zabaa khol rahe hai

Dar asl vo shaitaa ki zabaa bol rahe hai

Ashiq tere har daur me anmol rahe hai

Kardenge sitamgaaro ke mehlo ko bhi mismaar..

3) Allah bhi raazi hai payambar bhi hai raazi

Zehra bhi hai,sarwar bhi hai, haider bhi hai raazi

Shabbir bhi khush, hazrat e shabbar bhi hai raazi

Un sabse jo hai teri razaao ke talabgaar

4) yeh sir teri chowkhat pe jhukaane ke liye hai

Aur haath alam tera uthaane ke liye hai

Hum zinda tera sog mana ne ke liye hai

Ho daur koi hum toh hai bas tere tarafdaar..

5) tujh jaisa bahadur nahi koi bhi jahan me

Larzish hai tere saamne har ek zabaa me

Khuwaish hai tere deedh ki har ek jawan me

Jarrar ka farzand bhi jarrar hai jarrar..

6) zehra ke pisar hazrate haider ke dulaare

Aye bazu e shabbir rasool o ke sahare

Likhega bhala kaun fazail ko tumhaare

Yeh azmo shujaa'at yeh wafa sabr yeh isaar..

7) soye hue zehno ko phir ek baar jagade

Koi umar e saad se jakar yeh batade

Darya pe jo fauje hai unhone khud hi hata de

Ataa hai sue nehar sakina ka alamdaar

8) islaam e muhammad ke liye haath kataye

Maidaa ne shahdat me bohot zakhm hai khaaye

Ha baali sakina ne bohot ashq bahaaye

Kehte thay sare dasht yeh sarwar mere jarar..

9) yeh majlis shabbir yehi maahe muharram

Pehchaan taqi aur sharar apni hai Matam

Kyu kar na rahe saamne abbas ka parcham

Hum aaye khud dekh ke abbas ka darbaar..

Abbas abbas..