Ya Abbas.....3

Hai bekaso ka ghareebo ka aasra Abbas

Wafa hai mulk to us mulk ka Khuda Abbas

Janabe Fatema Zehra ka muddaa Abbas

Janabe Haider e Safdar ka aaina Abbas

Har ek simt do aalam me zikr hota hai..2

Janabe Fatema binte Asad ka pota hai..

Abbas Abbas Abbas .......2

Har ek sawal se pehle jawab dete hain

Jo zarra mango to ye Aftab dete hain

Koi jo katra kahe behre aab dete hain

Sakhi hain kanto ke badle gulaab dete hain

Yahi ruke huwe tufaan ka ishara hai...2

Furat par abhi Abbas ka ijara hai

Abbas abbas abbas......2

Us hi furat pe maare gaye padardo malal

Pahoch ke laash pe Sarwar ne tab kiya ye malal

Abhi pura karunga agar ho koi sawal

Jari ye ro ke pukara ke ay Batool ke Laal

Laga hai aankh me jo teer use hata dijiye..2

Huzoor apna ye chera mujhe dikha dijiye

Abbas abbas abbas.....2

Kaha ye aur suwe Firdous chal diya Ghazi

Labe furat har ek mauj khoon bahati rahi

Ye kyunke Hazrat e Abbas ki wasiyat thi

Jo lash sahil e Darya pe Shah ne chodi

Ye kehte jate the ab kis tarah jiye Shabbir..2

Alam ko leke suwe khaima chal diye Shabbir

Abbas abbas abbas....2

Tamam bacchon ne hatho se kuze phek diye

Alam se Haaye chacha keh ke daud kar lipte

Sakina boli Chacha ko kahan pe chod aaye

Na pani chahiye ab aur hai na pyaas mujhe

Chacha ya to yahi par bula do ay Baba..2

Ya mujh ko paas unhi ke par sula do ay Baba

Abbas abbas abbas.....2

Zaban e haal se Zainab pukari Ay Bhai

Ho Tum pe khwahar e dilgeer wari Ay Bhai

Suno aake hamari duhai Ay Bhai

Kahin lute na ridae hamari Ay Bhai

Magar hua wahi Zainab ko jiska khatra tha..2

Jo shaam aayi to na chadar thi aur na parda tha

Abbas abbas abbas.....2

Kisi ke sar pe na baki rida thi Ay Majid

Ajeeb tarah ki joro jafa thi Ay Majid

Ke ashk afsha wo chashme Khuda thi Ay Majid

Ke taba shaam haram ki sada thi Ay Majid

Kahan ho ab pay e imadad aao Ay Abbas..2

Hume sitam se laen ke bachao Ay Abbas

Abbas abbas abbas....3