Akbar k Kaleje Ko Sina Dhoond Rahi Hai

Par shah ki nazar apna jawaa'n dhoond rahi hai

1) Jo chhod k aya tha madine mein baradar

Sughra usi kadmo k nishaan dhoond rahi hai

2) Chillati hai, takrati hai, woh khaime k dar se,

Is tarah tadapti hui maan dhoond rahi hai

3) Ab tak na azaano'n ko mila aisa moazzin

Hum-shakle payambar ko azaan dhoond rahi hai

4) Barchi ki ani le gayi akbar ka kaleja

Laila usey seene mein kahan dhoond rahi hai

5) Jaate hue maqtal mein jo baba ko dikhai

Kulsum wahi sukhi zubaan dhoond rahi hai

6) Woh jinki amaan dhoondte the ahle zamana

Zindaan mein sakina woh amaan dhoond rahi hai

7) Seene pe Mohib zakhm nazar aae sabhi ko

Zainab jo rahi sab se nihaan dhoond rahi hai