Aun-o-muhammad

Kehti thi Zainab ay mere sheyro, kehti thi Zainab, mere dilero

[Aun-o-muhammad mere, aun-o-muhammad] ×4

Khwaab ye Zainab ka tha, chaand sitare mere [chaand sitare] ×2

Mamu pe hogaye fida, god ke pale mere [god ke pale] ×2

Khwaab ye sacha huwa, sar mere uncha raha, hone ko sheh par fida laal mere, sheyr mere chaand mere

[Aun-o-muhammad mere, aun-o-muhammad] ×2

Jaffar-e-tayyar ke khun ke akkas ho [khun ke akkas] ×2

Husn mei Akbar ho tum josh mei Abbas ho [Josh mei Abbas] ×2

KoJang ke maydaan mei maut ke armaan mei, saya-e-Qur'an mei, aise utho aise badho maut pe tum toot paro

[Aun-o-muhammad mere, aun-o-muhammad] ×2

Ha meri takeed par dhyan tumhara raho, [dhyaan tumhara] ×2

Jake lab-e-nehr bhi pyaas gawara rahe [pyaas gawara] ×2

Dudh na bakshungi mei, mu bhi na dekhungi mei, sheyr ki beti hu mei, wada karo aao chalo, chup na raho

[Aun-o-muhammad mere, aun-o-muhammad] ×2

Maana ke pyaase ho tum, pyaas pe kabu rahe [pyaas pe kaabu] ×2

Sheh ke alamdar ki, saans mei khushbu rahe [saans mei khushbu] ×2

Bas ye tamanna meri, laaj rahe khoon ki, hai ye wasiyat meri, khawo qasam, jao hasham, hoga na kam

[Aun-o-muhammad mere, aun-o-muhammad] ×2

Aun ye kehna laga, bhaayi Muhammad suno [bhaayi Muhammad] ×2

Ek taraf mei badho, ek taraf tum badho [eik taraf tum] ×2

Jang ho fowj-e-sitam, jang kare aise ham, Maamu hame de alam, dekhe hame, amma kahe, jite rahe

[Aun-o-muhammad mere, aun-o-muhammad] ×2

Dono jari jang ko surat-e-andhi bare, [surat-e-andhi] ×2

Nana Ali ki tarha, maut pe havi rahe [maut pe havi] ×2

Milke jo hamla kiya, meymana-o-mesra, eik me dam hogaya, teygh-e-Ali, aise chali, dhum machi

[Aun-o-muhammad mere, aun-o-muhammad] ×2

Dekh rahi thi jo maa khayme ke darpar khari, [khayme ke dar par] ×2

Saath wahi the khare Hazrat-e-Abbas bhi, [Hazrat-e-Abbas] ×2

Bhaayi behen saath the, sahib-e-awlaad the, waris-e-ajdaad the, kehne lage khub lare sheyr mere

[Aun-o-muhammad mere, aun-o-muhammad] ×2

Larte kaha tak bhala pyaas ke maare huwe [pyaas ke mare] ×2

Jalti huwi khaak par dono tarapne laga [dono tarapne] ×2

Bhaayi se kehne lagi, fakhr se bint-e-Ali, surkhru Zainab huwi, sar pe tere bhaayi mere, laal huwe

[Aun-o-muhammad mere, aun-o-muhammad] ×2

Aun-o-Muhammad na the, wo dur-e-nayaab the [wo dur-e-nayaab] ×2

'Sarwar-o-Rehan' wo wakif-e-adab the [wakif-e-adab] ×2

Hukm jo maa ne diya rukh na kiya nehr ka, pyaas ka sadma saha, maa ne kaha shukhr-e-khuda, huwe fida

[Aun-o-muhammad mere, aun-o-muhammad] ×2