Aye zaayero’n qadam ko rakho dekh bhaal kar

Kis kis ka qoo’n bahaa hai najaane kaha kaha

1. Halqe sagheer teer se jab zaqmi hogayi

Sehraaye karbala me bahee qoon ki nadee

Maiyath liye ussain bhi tadpe hain kis qadar

Kis kis ka qoo’n baha hai najaane kaha kaha

2. Ek naujawaan tha jiska jigar chalni hogaya

Jitna badan me qoon tha akbar ka beh gaya

Thi shakle Mustafa ke lahoo se zameen tar

Kis kis ka qoo’n baha hai najaane kaha kaha

3. Maiyath jawaa’n ki liye jab chale hussain

Phir naujawaa’n ki laash liye gir pade hussain

Seene me phatna jaaye kaheen shah ka jigar

Kis kis ka qoo’n baha hai najaane kaha kaha

4. Farwa eke k chand ko aisa grehan laga

Maqtal me jiske jism ka tukda hai jaa ba jaa

Ghalta hai khaako qoon se shabbar tera pisar

Kis kis ka qoo’n baha hai najaane kaha kaha

5. Reti pe hai qoo’n hai ab bhi sayeed-o-zuhair ka

Hain jaa ba jaa habeeb ka hur ka burair ka

Har jism tha zameen pe naizon pe sab ke sar

Kis kis ka qoo’n baha hai najaane kaha kaha

6. Is sar zamee’n pe qoon hai mohammed ke aun ke

Is sar pe zamee’n pe qoon ke qatre hain joun ke

Arze bala me ahle falak bole aan kar

Kis kis ka qoo’n baha hai najaane kaha kaha

7. Ashoor ko hussain ka chalna muhaal tha

Maqtal tha waqte asr tha zehra ka laal tha

Roya kiye hussain yahi soch soch kar

Kis kis ka qoo’n baha hai najaane kaha kaha

8. Jab sibte Mustafa ke gale par churi chali

Zainab khadi hai n ye samaa dekhti rahi

Behre madad bulaati kise haaye nouhagar

Kis kis ka qoo’n baha hai najaane kaha kaha

9. Har laash ran me godo’n se pamaal hogayi

Ashoor ko ye arze bala laal hogayi

Sajjad bhi pukaar uthe ghash se chounk kar

Kis kis ka qoo’n baha hai najaane kaha kaha

10. Nauha raqam ho kis tarha aye arze karbala

Rehan ke baya’n pe Mubarak ne kee buka

Hum karbala pahunch ke pukaare bachashme tar

Kis kis ka qoo’n baha hai najaane kaha kaha

Aye zaayero’n qadam ko rakho dekh bhaal kar

Kis kis ka qoo’n bahaa hai najaane kaha kaha