Baba.... Baba....

Hogayi berida, waqt kaisa pada, sar khula hai mera

baba shaam aagaya

kaun hai ab mera, aye mere baba jaa'n, mai to hu bekhata

baba shaam aagaya

Hogayi berida, waqt kaisa pada, sar khula hai mera

baba shaam aagaya

1. Bekafan bhai ko chhod kar aagayi

bhai aisa ke tha jo meri zindagi..(2)

jism karbal mein hai, aur naize pe sar, bhai bhi na raha

baba shaam aagaya

2. Aap ko hai khabar kitni hairaan hu

kis tarha jaungi mai pareshaan hu..(2)

tegh hai har taraf, aur mai nange sar, aagayi berida

baba shaam aagaya

3. Kisse jaa kar bhala haal e dil mai kahu

baba imdaad ko ab sadaa kisko du..(2)

qatl rann mein hue, saare sher mere, jinka tha aasra

baba shaam aagaya

4. Dil ki hasrat thi jo puri ho na saki

haye akbar ki shadi na zainab ne ki..(2)

ilteja ye suno, marr gaya naujawaa'n, dulha ban na saka

baba shaam aagaya

5. Ghairat e sayyada mai hu binte ali

majma e aam mein hu mai kaise khadi..(2)

dekh kar berida, kyu na bhai mera, khoon roye bhala

baba shaam aagaya

6. Qabr mein bhi na asghar ko sone diya

baad marne ke bhi uspe thi ye jafa..(2)

phatt raha hai jigar, kaata zalim ne sar, ye ghazab hogaya

baba shaam aagaya