Baali Sakina a.s ki thi yeh Fugha

Aye Mere Baba, Aye Mere Baba

Kuch toh khabar do, Tum ho kaha'n

Aye Mere Baba, Aye Mere Baba.

1) Jab se gaye tum qaime se baba,

Ek pal ko bhi mai so na saki hoo

Shimr ka darr hai mujhko

humesha, rona bhi chaahu,

Ro na saki hoo

Kis ko bulau'n, Jaau'n kahan

Aye Mere Baba, Aye Mere Baba.

2) Shame Ghariba'n qaimo mai

aakar, aag lagadi jis dum laee'n

ne

Khauf tha har soo syedaniyo mai,

Darr se aye baba, sehme the

bache

Chaya huwa tha, har soo Dhua'an

Aye Mere Baba, Aye Mere Baba.

3) Jal gaye qaime, chin gayi

chadar, lut gaye jab ke asbaab

saare

Khaak pe jaa kar baithi thi

maa'ye, soye the bache maa ke

sahare

Ghurbat thi aur, thi kuch siskiya'n

Aye Mere Baba, Aye Mere Baba.

4) Maare tamache shimre laee'n ne,

jis se hai mere ruqsaar neele

Baad uske baba boondo ko

mere, kuch aise cheena tha uss

Shaqi ne

Kaano se dekho, khoo'n hai rawa

Aye Mere Baba, Aye Mere Baba.

5) Tum hee batao ke koyi bachi,

aalam mai ho gayi kya mere jaisi

Chaar baras ki umr ho jiski, aisi

yateema kab kisne dekhi

Yeh sin ho aur, tooti phasliya'n

Aye Mere Baba, Aye Mere Baba.

6) Qaid huwe jab Ahle haram toh,

ek rassi thi aur baara'h gale the

Ek simt meri gardan bandhi thi,

aur bibiyo'n ke shane bandhe the

Dekho rasan ke, hai yeh nishaa'n

Aye Mere Baba, Aye Mere Baba.

7) Aale mohammed darbariyo'n

mai, laaye gaye jab qaidi bana

kar

Phupiya'n khadi thi chehre chupa

kar, Abid khade the nazre jhuka

kar

Hum par tha toota kohe giraa'n

Aye Mere Baba, Aye Mere Baba.

8) Pyas ki shiddat se ab toh mere,

saare badan mai raaeshe

padhe hai

Saans bhi lena hai mera mushkil,

halq mai mere chaale padhe hai

Lagta hai ab hai'n honto'n pe

jaa'n

Aye Mere Baba, Aye Mere Baba.

9) Muh rakh ke apna baba ke muh

par, aye najm jab woh chup ho

gayi thi

Saari shikayath baba se kar ke,

gham ki satayi jab so gayi thi

Phir na pukari woh neem jaa'n

Aye Mere Baba, Aye Mere Baba.