Lab par hai alajal ki sada barvain Hussain a.s.

Aa muntazir hai karbobala Barvain Hussain a.s.

1) Tera Zahoor azmate Quran ki daleel

Gaibat teri daleel e Khuda Barvain Hussain a.s.

2)Is teer bakht daur ko kuch roshni milay

Rukh se zara naqaab utha Barvain Hussain a.s.

3) Rakhdi hai teri zaat main rab e jaleel ne

Gyara (11) Imamatoñ ki baqa Barvain Hussain a.s.

4)Mumkin banade aake tu namumkenaat ko

Paani pa janamaz bicha Barvain Hussain a.s.

5)Tera Zahoor ho tau padhe aake woh namaz

Isa bhi hai muntazir hai tera Barvain Hussain a.s.

6) Ghar ghar saja huwa hai joh Abbas a.s. ka Alam

Kaabe pe is Alam ko laga Barvain Hussain a.s.

7)Baugh e fidak ka aake laeeno se le hisab

Zahra s.a. ke Ghasibo'n ko mita Barvain Hussain a.s.

8) Le aake jald chadar e Zainab s.a. ka intaqaam

Kehti hai yeh Hadees e Qisa Barvain Hussain a.s.

9)Yeh Arzoo bhi "Noor Ali" ki dua bhi hai

Qadmo'n main tere aaye Qaza Bavain Hussain a.s.