Basta ba zanjeer
[Basta ba zanjeer] ×2
Jumla yateema haay
Ah hussaina shahe shaheeda, bastaba zanjeer jumla yateema
Jaltay huwe ghar lutti ridaye(n) ah hussaina
kisko sadaa de kisko bulaye ah hussaina. Haay
[Ah hussaina shahe shaheeda, bastaba zanjeer jumla yateema] ×2
Eik zanjeer-e-sitam bara aseero kay gale
Us pay ye hukm kay har peer-o- jawaan tez chalay
Ee sitam haay hussaina
Pusht pay partay rahe saath durron kay nishaan haay
[Ah hussaina shahe shaheeda, bastaba zanjeer jumla yateema] ×2
Eik beemar aseeron ka jo salaar bana
Thaame zanjeer sitam jaanib-e-darbaar chala
Ee sitam haay hussaina
Roya shabbir ka sar barsare nok-e-sina haay
[Ah hussaina shahe shaheeda, bastaba zanjeer jumla yateema] ×2
Dhoop say pyar hay saaye se sarokar nahi
Koi baanu ki tarha bekaso ghamkhwar nahi
Ee sitam haay hussaina
Kaisay asgher kay binaa saye main jayengi maan haay
[Ah hussaina shahe shaheeda, bastaba zanjeer jumla yateema] ×2
Umm-e-laila ka jigar hogaya paara paara
Us nay dekha hay jawaan lal kay dil main naiza
Ee sitam haay hussaina
Mu ko ata hay jigar sunti hay jab bhi azaan
[Ah hussaina shahe shaheeda, bastaba zanjeer jumla yateema] ×2
Eik nawshah ki mayat ke bahattar tukre
Maadare Qasim-e- muztar ki nazar say guzre
Ee sitam haay hussaina
Sar kahan jism kahan dil kahan haath kahaan haay
[Ah hussaina shahe shaheeda, bastaba zanjeer jumla yateema] ×2
Wo jo lashkar ka alamdar tha dast-e-shabbir
Bar lab-e-nehr likhi jis ne wafaa ki tahreer
Ee sitam haay hussaina
Wo nahi hai to nahi ab meray jism mein jaan haay
[Ah hussaina shahe shaheeda, bastaba zanjeer jumla yateema] ×2
Kaan zakhmi hai gala khushk jalaa hay daman
Saans leyne nahi deti hai sakina ko rasan
Ee sitam haay hussaina
Neend aati hai usay wo magar soye kaha haay
[Ah hussaina shahe shaheeda, bastaba zanjeer jumla yateema] ×2
Be ridayi ki aziyat ko uthane waale
Haay wo ale muhhamad kay gharaane waale
Ee sitam haay hussaina
Apne is haal pay bhi kar nahi paaye fughaa
[Ah hussaina shahe shaheeda, bastaba zanjeer jumla yateema] ×2
Nauha "Rehan" aseeron ki zubaan main likh kar
Is qadar roya qalam ho gaya qirtaas bhi tar
Ay meri jaan hussaina
Farshe majlis pay huwa qalbo jaan nauha kuna
[Ah hussaina shahe shaheeda, bastaba zanjeer jumla yateema] ×2