Salamay aakhri tumpar behan zainab khudahafiz

Kaha  shabbir nay rokar behan zainab khudahafiz

1.Hawalay ab tere behna ye sab ghar daar aur kunba,

Safar hai ye mera aakhir, behan zainab khudahafiz

2.Mera akber mera abbas, nahi ab koi mere paas

Sidharay sab sooye kausar, behan zainab khudahafiz

3.Layee ye shaam o koofa kay , hai mere khoon kay pyaase

Hazaron tegh mera sar, behan zainab khudahafiz

4.Abhi kuch der may behna qayamat hoyegi barpa

Lutega ghar khulega sar, behan zainab khudahafiz

5.Kaha zainab kay ab dilbar, kaha hai qasimay muztar,

Kaha akber kaha asghar, behan zainab khudahafiz

6.Zamee ko zaljala hoga falak se khoon barsega

Katay jab tansay mera sar, behan zainab khudahafiz

7.Sitamgar aaga laayengay nabi ka ghar jalayengay

Naya hai har qadam mehshar, behan zainab khudahfiz

8.Tamachay khaa kay royegi sakina laadli meri

Dilaasa dena tum khwahar, behan zainab khudahafiz

9.Aye momin aasma gham ka nabi ki aal par toota

Chalay kehtay huwe sarwar, behan zainab khudahafiz.