Ya Hussain Ya Hussain

Hussaino minni ki ye sada hai hussain jaisa koi nahi hai

yahi shareeat ka aaina hai yahi mohabbat ki inteha hai

Sare azadaro pe ye ahsan usi ka hai

daman me jo ishq shahe kaunain ko bakhsha hai

jo dil hai parwan chadha mola ki mohabbat se

ban ke lahu name sarwar us dil me dhadakta hai

ye dil kahe mera mola hussain

saanso pa hai tera pahra hussain

har soo hussaina ki sada dono jahan par hai chahi hui

ashke aza ke saath me meraj par hai meri bandagi

kausar ki aabru zamzam ki aabru

kabe ki hai sada hussain kubaku

insaniat ki baqa ke liye baiat na ki sar dia ya hussain

tu adl ka maiaar hai tu hi mohammad ka kirdar hai

tu hai shareeat ki zaban inkare deen tera inkar hai

deen ki pahchan hai roohe quraan hai

tujh se wabastagi aine imaan hai

usko yaqeenan khuda mil gaya jis shkhs ko tu mila ya hussain

hussain sa rahnuma jahan me koi nahi hoga

ye faisla ho gaya khuda ka kahin nahi hoga

hidayato ka charagh hai ye nabi ka aaina

jahan me raushan inhi ke dam se wafa ki hai dunia

jab se pade tere qadam karbobala aasman ban gai

is pe lahu tera baha ye khak rashke jinaa ban gai

tabibe be kasaan hakime nafse jaan

hai sooraj ki qadmo ka har nishan

sab arsh waale yahin hain makin jannat teri karbala ya hussain

teri shahadat ke sabab dunia ko raahe baqa mil gai

marna khuda ki raah me mitna nahi hai yahi zindagi

dunia me dekh lo ab kiska naam hai

raze haqqaniat kiska paigham hai

ahle sitam ka nishan tak nahin zinda hai teri wafa ya hussain

shujaaton ki misal ban kar jahan pe cha baithe

sitamgaron ki sitam zarifi ko aazma baithe

gala kataya bala ke ran me ali ke bete ne

tamam soye huye dilo ko magar jaga baithe

zalim ne ki baiat talab shabbir ne usko thukra dia

wo kaun the kya azm tha deke lahu sabko batla dia

sab zulm mit gaye zinda hai karbala

fathe shabbir hai azaano ki sada

phir koi baiat na mangi gai inkar tha tera aysa hussain

wo aashiqe shahe zaman baiat sitamgar ki karte nahi

haq ke liye dete hain jaan marte to hain phir bhi marte nahi

tera ye hai karam aye sultane umam

jhukne nahi dia deene haq ka alam

karbobala ki yahi hai sada har su ho haq ki zia ya hussain

deen ki jaan hussain mera imaan hussain

rabbe kaba ki qasam hai quraan hussain

shahe mardaan hussain shere yazdaan hussain

jahan jahan khuda waha wahan hussain

aye shahe karbala aye jaane mustafa

aye zahra ke pisar quwwate murtaza

tune sar de dia aur na uff kia

deene haq ke liye ghar bhi luta dia

karbal me wada wafa kar dia nana se jo tha kia ya hussain

tera karam be inteha teri ataa ki koi had nahi

jo bhi tere dar pe gaya hur kar dia aapne bilyaqeen

aye ibne murtaza sultane karbala

tu ba kamal hai jamale mustafa

sadiyon se dono jahan ke liye jari hai teri ataa ya hussain

ye karwane shahe deen haqqaniat ka bharam ban gaya

fathe hussaini ka nishan dekho jari ka alam ban gaya

jab ye lahraega sab ko bataega

fathe islam ki yaad dilayega

ahle sitam ka sitam thak gaya ayesa tera sabr tha ya hussain

mera aaqa hussain mera qibla hussain

sari dunia kahe meri dunia hussain

shane wafa hussain jane azaa hussain

deene islam ki tu hai baqaa hussian

waqre mustafa aye fakhre ambiya

aye zinate pidar sukune sayyada

shaheede karbala mazlume nainawa

tune raushan kia charaghe lailah

tu rab se razi hai tujh se khuda aye shae sabro raza ya hussain

deene khuda ki aas tu tujh par jami hai nigahe haram

tu hai waqare ambiya tu hi nuqushe wafa ka bharam

tu hi islam hai tu hi hai bandagi

tune ata kia deen ko zindagi

har ik sadi ki zarurat hai tu har marz ki hai dawa ya hussain

aye aashqane shahe deen duniaya se kah do wasimo raza

ye maatme shabbir hai har pairwane sitam ki qaza

ye ishqe gham nahi aik tufan hai

kuzaye chashm me shah ka rman hai

ye ashk karta hai har su bayan rudade karbobala ya Hussain