Ek sakina ek zahra..(4)

Baba ko hai rone wali ek sakina ek zahra..(2)

1. Pehlu dar unke gira tha

inko tamache lagte the

unke dar par aag lagi thi..(2)

inka khaima jalta tha

2. Dono ko haakim ne bulaaya

dono hi darbaar gayi

sharmo haya ne unko jakda..(2)

rassi me tha inka galaa

3. Baba ke jaane ke baad

chain se ek din so naa saki

baitul huzn me woh roti thi..(2)

yeh zindaan me roti thi

4. Dono jaanib hi gaasib the

zaalim the aur Qaatil the

unse fidak ko cheena gaya tha..(2)

inki baaliya cheeni thi

5. Dono par hi zulm hue hai

dunya se jaane ke baad

unke roze ko tha giraaya..(2)

yeh zindaan me qaid rahi

6. Dono baba ko pyaari thi

dono hi hassaas bhi thi

unke liye zindaan thi dunyaa..(2)

yeh zindaan me rehti thi

7. Dono ne maasoom shahadat

ko nazdeek te dekha tha

unko mohsin yaad aata tha..(2)

asgar unko yaad aaya

8. Karbe zahra karbe sakina

kitna milta julta tha

maine "qamar" yeh soch ke aakhir..(2)

ek hi nauha likkha tha

Baba ko hai rone wali ek sakina ek zahra..(2)

Ek sakina ek zahra..(4)