Baba ke baad khush hi kahañ fatema rahiñ
Yaad e pedar me ashq fishañ fatema rahiñ
Darwaza peetne lage jab ghar ka ashkiya
Ye lag raha tha zal-zala yasrab me aa gaya
Hatho se apna thaame makañ fatema rahiñ. .. Hayye
Ye kaisa waqt aaya hai bint e Rasool per
Darwaza dhakka deke giraya Batool per
Thi aag darmiyaan e dhuwañ fatema rahiñ...Hayye
Jo jal Rahi thi dar me sitam ke fassaad se
Us keel ke shikam me utarne ke baad se
Mohsin ke gham me giriya kunañ fatema rahiñ...Hayye
Garden me rassi daal ke jab Le chale Shaqi
Shauhar pe apne aanch na aane di koi bhi
Her saans pe ali ki Amañ fatema rahiñ.
Tha bint e mustafa pe Masayab ka ye asar
Balo me bhi sufaidi thi Kham unki thi kamar
18 saal me Na jawañ fatema rahiñ.
Mayyat pe kiya tha wo Wada nibha diya
Yasrab se karbala ke safar me her ek jaa
Sarwar ke sath sath me mañ fatema rahiñ.
Turbat me rakh ke bole ali ek zakhmi phool
Saonpa tha jaisa aapne mujhko mere rasool
Karna muaaf Wesi kahañ fatema rahiñ..
Bibi ke gham me pursa kiya pesh jo Turaab
Sach hai "Khateeb" iski jaza denge buturaab
Misro me her jagah hi Nihañ fatema rahiñ..