Qabr e nabi udaas, madina udaas tha

zainab nabi ke roze pe, padhti thi marsiya

kehti thi apne ujadne ka maajra

marqad laraz utha juhi..(2)

to zainab ne ye kaha

ya rasoolallah, ghar lut gaya mera, ya rasoolallah

ghar lut gaya mera, ya rasoolallah..(2)

mai hogai tanha, ya rasoolallah

ghar lut gaya mera, ya rasoolallah..(2)

1. Jis waqt gaye the (hum tere sheher se)..(2)

thi maqna o chadar, (nikle the jo ghar se)..(2)

ab wo nahi parda, ya rasoolallah

ghar lut gaya mera, ya rasoolallah..(2)

2. Tukdo mein bata tha (ek dulha ka laasha)..(2)

yu bikhri ummeede (is tarha se sehra)..(2)

farwa ka tha nauha, ya rasoolalla

ghar lut gaya mera, ya rasoolallah..(2)

3. Thi jiske hawaale (maa behno ki chadar)..(2)

maara gaya wo bhi (shaano ko kata kar)..(2)

be aas hue shaah, ya rasoolallah

ghar lut gaya mera, ya rasoolallah..(2)

4. Bhai pe churi thi (mai dekh rahi thi)..(2)

sar kat-ta tha sheh ka (mai darr pe khadi thi)..(2)

koi na tha mera, ya rasoolallah

ghar lut gaya mera, ya rasoolallah..(2)

5. Ek rassi mein nana (humlog bandhe the)..(2)

shaane the bado ke (bachho ke gale the)..(2)

mehmil na kajawa, ya rasoolallah

ghar lut gaya mera, ya rasoolallah..(2)