Husaina Husaina, Haaye Husaina

Asr Ke Hangaam Mein Goonjti Hai Yeh Sada

1. Ho Gaya Paamaal Jab Qasim(as) Ibn-e-Hasan(as)

Bain Yeh Karne Lagi Laash Pe Maa Khashta Tan

Nargah-e-a'daa Mein Ab Ghir Gaya Tera Chacha

Husaina Husaina, Haaye Husaina

2. Hazrat Abbas(as) Ke Jab Hue Shaane Qalam

Aa Ke Laashe Pe Yeh Kehte The Shah-e-Umam

Asr Ko Kat Jaaye Ga Ab Mera Pyaasa Gala

Husaina Husaina, Haaye Husaina

3. Marne Se Abbas(as) Ke Toot Gayi Hai Kamar

Mar Gaya Beta Jawaan, Kuch Nahi Aata Nazar

Zulm-o-Sitam Dhaate Hain Dasht Mein Ab Ashqiya

Husaina Husaina, Haaye Husaina

4. Sajda-e-Aakhir Mein Jab Tu Ne Jhukai Jabeen

Karnay Juda Sar Tera Aa Gaya Shimr La'een

Peet Ke Sar Charkh Par Kehne Lage Ambiya

Husaina Husaina, Haaye Husaina

5. Teri Museebat Pe Bhi Reham Na Khaya Koi

Pher Di Beta Tere Sookhe Gale Par Chhuri

Padhti Hain Nauha Yehi Laash Pe Ab Fatima(sa)

Husaina Husaina Hayye Husaina

6. Ay Shah-e-Karbobala Dekh Ke Ghurbat Teri

Seena-o-Sar Peet Kar Roti Hai Khud Bebasi

Ghordon Se Pamaal Ab Hoyega Laasha Tera

Husaina Husaina Hayye Husaina

7. Laasha-e-Mazloom Par Karti Hai Zainab(sa) Yeh Bain

Bin Tere Bhai Mujhe Kis Tarah Aayega Chain

Pochnay Wala Yahan Ab Nahin Koi Mera

Husaina Husaina Hayye Husaina

8. Padhta Hai Hasnain Jo Ro Ke Yeh Nauha Nazar

Aur Azadaron Ka Phat'ta Hai Gham Se Jigar

Kehke Yehi Fatima(sa) Deti Hain Sab Ko Dua

Husaina Husaina Hayye Husaina