Haan ye hai shehr-e-shaam

[Haan ye he shehre shaam] ×3

Haan ye he shehre shaam, choti shehzaadi ka he yahin par qayam, aaj roze pe he roshni subho shaam, Pursa daaron ka he maatmi azhdahan, phat raha he jigar sochta hun agar, kaisa tareeq tha, kaisa weeran tha, kaisa weeran tha kal ye zindaan tha, [bara roi sakina yahaan] ×2

[Haan ye he shehre shaam] ×2

Itni wehshat ke ik pal na guzre jahaan

Chheekti ho jahaan sirf tanhaiyan

Rona kya siskiyon par bhi pabandiyan

Rassiyon beriyon tauq ke darmiyan

[Bara roi sakina yahaan] ×2

[Haan ye he shehre shaam] ×2

Sar khule khaak par ghamzada bibiyan

Usmein qasim ki akbar ki asghar ki maan

Maang ujri huwi khali thi godiyan

Sab ki himmat bandhati thi Zainab jahaan

[Bara roi sakina yahaan] ×2

[Haan ye he shehre shaam] ×2

Haan isi shaam ke beech bazaar mein

Bibiyan patharon ki thi bochhar mein

Khun mein dubi Muhammad ki thi betiyan

Har taraf shaam mein jashn ka tha samaan

[Bara roi sakina yahaan] ×2

[Haan ye he shehre shaam] ×2

Dekh kar binte zehra ka yun sar khula

Noke neza se ghazi ka sar girgaya

Haye ghazi ki ghairat ka ye imtehaan

Sar patakne lagi saari shehzadiyan

[Bara roi sakina yahaan] ×2

[Haan ye he shehre shaam] ×2

Ik qayamat si darbar mein aagayi

Jab sakina kaneezi mein mangi gayi

Na padar na chacha bhai bhi natawa

Tori sajjad ghaiz mein beriyan

[Bara roi sakina yahaan] ×2

[Haan ye he shehre shaam] ×2

Dukhtare hind boli sakina bata

Kaise daman jala kyun he kurta phata

Aurni tere sar ki gayi he kahan

Khainchi kis shaqi ne teri baliyaan

[Bara roi sakina yahaan] ×2

[Haan ye he shehre shaam] ×2

Boli kya haal apna bataaoun tujhe

Chhor ke jabse baba gaye hein mujhe

Mein yateem hogayi aur kya ho bayaan

Meri gardan mein bandhi gayi rassiyan

[Bara roi sakina yahaan] ×2

[Haan ye he shehre shaam] ×2

Aur ik roz zindan rone laga

Jab sakina ko baba ka sar milgaya

Boli ab aye ho tum mere baba jaan

Itne din mujhse dur rahe ho kahaan

[Bara roi sakina yahaan] ×2

[Haan ye he shehre shaam] ×2

Royi "rehan-o-sarwar" ki ankhein lahu

Rozae shahzaadi pe ki guftagu

Haye is waqt hum tum khare hein jahaan

Nur hi nur he kal thi tarikiyan

[Bara roi sakina yahaan] ×2

[Haan ye he shehre shaam] ×2