Haey Shaam

[Shaam Haey Shaam Haey Shaam Haey Shaam] ×2

[Haey Shaam Ki Galian Aaein Hai] ×2

Naizon Peh Shahidon Kay Sar Hain Beemar(a.s.) Bhi Chalta Jaata Hai

[Haey Shaam Ki Galian Aaein Hai] ×2

Zanjeer Ulajh Kar Peron Say Kehti Hai Yeh Ghum Kay Maaron Say

Kuch Dair Mein Paththar Barseingay

Is Shehr Kay Baala Khanon Say Sajjad(a.s.) Ka Dil Gharbrata Hai

[Haey Shaam Ki Galian Aaein Hai] ×2

Be Ghar Hain Musafir Bechadar Hai Kitni Aziyat Ka Yeh Safar

Bazoo Hain Bandhay Maan Behnon Kay

Sar Baap(a.s.) Chacha(a.s.) Kay Khoon Mein Tar Beemar(a.s.) Bohat Sharmata Hai

[Haey Shaam Ki Galian Aaein Hai] ×2

Eik Rassi Hai Aur Bara Galay Yeh Qafla Aakhir Kaisay Chalay

Jalti Hai Zamin Kanton Say Bhari

Ronay Lagay Peron Kay Chalay Khoon Zakhmon Say Rista Jata Hai

[Haey Shaam Ki Galian Aaein Hai] ×2

Kothon Peh Tamashai Hain Kharhay Aur Shaam Kay Baam-o-Dar Hain Sajay

Ummat Hai Nabi(s.a.w.w.) Ki Chaar Taraf

Parhti Hai Nabi(s.a.w.w.) Zadi(s.a.) Khutbay Aur Ashk Falak Barsata Hai

[Haey Shaam Ki Galian Aaein Hai] ×2

Darbaar Ka Dar Nazdeek Aya Bazaar-e-Sitam Ab Khatm Hua

Kuch Dair Aseeron(a.s.) Ko Roko

Yeh Hukm-e-Yazidi Hai Aya Darbar Sajaya Jata Hai

[Haey Shaam Ki Galian Aaein Hai] ×2

Darbar-e-Sitam Ki Aaraish Aur Takht-e-Laen Ki Zebaish

Jab Hochuki Poori Tab Jakar

Badkar Nay Ki Yeh Farmaish Lo Jashn Manaya Jata Hai

[Haey Shaam Ki Galian Aaein Hai] ×2

Ba Parda Kanizein Baithi Hain Saidanian Saari Roti Hain

Fizza(s.a.) Ko Banakar Jab Parda

Zehra(s.a.) Ki Betian(s.a.) Chupti Hain Sajjad Ko Ghash Ajata Hai

[Haey Shaam Ki Galian Aaein Hai] ×2

Zalim Nay Ajab Yeh Kaam Kia Zainab(s.a.) Ka Achanak Naam Lia

Ghabrakay Ali(a.s.) Ki Beti(s.a.) Nay

Haathon Say Jigar Ko Thaam Lia Abid(a.s.) Ko Jalal Aajata Hai

[Haey Shaam Ki Galian Aaein Hai] ×2

Zanjeer Chatakh Kar Toot Gai Beemar(a.s.) Nay Eik Angrhai Jo Li

Darbar-e-Sitam Mein Shor Utha

Kia Aaj Najaf Say Aaey Ali(a.s.) Ya Waqt-e-Qayamat Aata Hai

[Haey Shaam Ki Galian Aaein Hai] ×2

Darbar Say Jab Zindan Mein Gaey Sajjad(a.s.) Phophi(s.a.) Say Kehnay Lagay

Yeh Kaisa Andhera Zindan Hai

Yaan Zinda Raheingay Hum(a.s.) Kaisay Dil Mera Dooba Jata Hai

[Haey Shaam Ki Galian Aaein Hai] ×2

Zindaan Mein Sakina(s.a.) Nay Poocha Ghar Jaengay Hum(a.s.) Kis Din Bhaiyya(a.s.)

Ya Aur Koi Baqi Hai Sitam

Ghut Ta Hai Yahan To Dam Mera Ab Saans Ukharhta Jata Hai