Haye Haye Ali Akbar
Kehti thi yeh ma khoon bhari mayyat sa lipat ker
Haye Haye Ali Akbar
Arman tha pehnao gi poshaak shahani
afsos k raaz aye na tujhko yeh jawani
kaisa tha muqaddar
Itna to zura thero tumhain dolha banalon
phir aik jhalak sehray ki sughra ko dikhalon
bechain hai khawar
ma tere judai main bhala kaise jeya gi
mar jayay gi sughra jo khabar tere sunay gi
ab kya keron jee kar
athara (18) baras paal k parwan charaya
woh gaisoonon wala hai mera khoon main nahaya
ab kya keron jee kar
kerti thi zayarat main payambar ki tujhi sa
ab ghar main kissay dongi main tashbi nabi sa
hum shakal e payambar
tum hishkiyaan le le k jo dam todh rahay ho
moun ma sa humaisha k lia morh rahay ho
kyu rotay ho dilbar
ayay jo humain lotnay khaimay main sitam gar
ma dagi sada haye ali akbar ali akbar
chin jayay gi chadar
pehlay to aik awaz pa uth jatay thay baita
ab itni sadaon pa bhi pehlo nahi badla
kya hogaya dilbar
jab koi jawan lash nazar ati hai mehshar
aik yad soya karbobala jati hai mehshar
dil rota hai keh ker