Hussain - 4
Aao aao aashiqane Mustafa
Ye mahe aza hai, ye mahe aza hai, ye mahe aza hai
Is zameen ta arshe bari chaaron taraf, jo gham ki faza hai
Ye mahe aza hai, ye mahe aza hai, ye mahe aza hai
Aarzue Kibriya hai, maatam-e-Hussain
Baksheesho ka raasta hai maatam-e-Hussain
Aur Nizaam-e-Mustafa hai maatam-e-Hussain
Maatam-e-Hussain
Ali o Fatima ka laal hai ye
Khuda ka laadla Hussain
Hussain Hussain Hussain ibne Mohammad Swallallahu Alaihi wa aalehi
Koi nahi koi nahi laadla aisa
Jiske liye Rab ne ho qanoon ko badla
Saare sahifon mein, kitaabon mein likha hai
chakhna kisi mitti ko jaayaz nahi wallah
Magar Hussain, tera jahan pe khoon gira
Kiya Khuda ne use khaake shifa
Ali o Fatima ka laal hai ye
Khuda ka laadla Hussain
Hussain Hussain Hussain ibne Mohammad (S.A.W.)
Roz-e-azal bol chuka Khaliq-e-Akbar
Khuld ki shay khuld se jaati nahi baahar
Kaala libaas iske liye pehna hai humne
Jiska libaas aaya tha jannat se zameen par
Ye humse mat poocho, humein nahi toko
Hai dum to badlo ghilaaf-e-Kaaba
Ali o Fatima ka laal hai ye
Khuda ka laadla Hussain
Hussain Hussain Hussain ibne Mohammad (S.A.W.)
Hamare ishq ki misaal — Karbala
Hamara markazi khayaal — Ya Hussain
Pehli dafa god mein jab tujhko uthaya
Khud ko Mohammad ne azaadaar banaya
Naana ke ashkon ko bhulaya nahi tune
Deene Mohammad tha magar tune bachaya
Ae aashiqane Nabi, aza mein aansoo abhi
bahaao kar lo Mohammad se wafaa
Ali o Fatima ka laal hai ye
Khuda ka laadla Hussain
Hussain Hussain Hussain Mohammad (S.A.W.)
Aaqa Mohammad ke gharaane ka ye ghum hai
majlis Shabbir mein aana ye karam hai
ye jo badi shaan se ghar ghar pe lagaa hai
Aale — Mohammad ki nishani — ye alam hai
Alam uthaate raho, ye gham manaate raho
Ali o Fatima se le lo duaa
Ali o Fatima ka laal hai ye
Khuda ka laadla Hussain
Hussain Hussain Hussain Mohammad (S.A.W.)
Hamare ishq ki misaal — Karbala
Hamara markazi khayaal — Ya Hussain
Ana majnoonal Hussain - 4
Tere hi maatam mein fanaa hai meri hasti
Karb-o-bala hi to fakeeron ki hai basti
Kaise samajh paaye malangon ko zamaana
Aql se baalaa hai tere ishq ki masti
Aye Sakhi ibne Sakhi, tu banaata hai wali
Hai ye Shahbaz Qalandar ki sadaa
Ali o Fatima ka laal hai ye
Khuda ka laadla Hussain
Hussain Hussain Hussain ibne Mohammad (S.A.W.)
Iska lahoo mera lahoo, iska badan mera badan hai
Iski aankhen meri aankhen, Iska chalan mera chalan hai
Ye Qawle — Nabi hai, ye qawle — Nabi hai,
kya kahein Zeeshan aur darveshe azaa...
Afsos yehi hai - 2
jo Mohammad ne kaha Logon ne woh juthlaaya
Haaye Mehmaan use karbobala bulwaaya
Usko paani na diya, uska ghar loot liya
Zakhmi naize se kiya seena Ali Akbar ka
teer se cheed diya nanha gala Asghar ka
uska Qasim na raha Uska Gazi na raha
Mar gaye auno Mohammad, koi yawar na bacha
Reh gaya dasht mein tanha woh gareebe Zahra
Murtajiz sawar akela chala — Hussain
Teeron tabar gurz se zakhmi hua Hussain
Itne sitam par bhi sambhalta raha Hussain
Maar ke nezon se giraaya gaya Hussain
Shimre laeen shah ke jab seene pe aaya
haaye kheench ke baalon se Tamaacha bhi lagaaya
Haath rakha maan ne bahut baar bachaaya
Haye magar kat gaya sar — bach nahi paaya
Shimr chala — baalon se jab sar ko uthakar
Fatima zahra ne kaha khaak udaakar — Hussain
wawayla Hussain wawayla - 4