Hussain Ke Dar Par... (9)

Likha Hua Hai Ye Maula Hussain Ke Dar Par... (3)

Jo Chahiye... Jo Chahiye...

Jo Chahiye Woh Milega Hussain Ke Dar Par

1. Sunayi beto'n ko rahib ne dastan e yaqee'n

mera husain hai sab kuch naseeb kuch bhi nahi

agar magar nahi hota.. hussain ke dar par

2. Meri nazar mein ye tafseer e fazkuruni hai

ke ek bheed sadaa ashiqo'n ki rehti hai

khuda ke darr se zyaada.. hussain ke dar par

3. Damishq mein dare zainab pe jo shaheed hua

khud aake le gaye abbas usko karbobala

hui namaz e janaza.. hussain ke dar par

4. Shaheed kehte hai ye auj humne paaya hai

hume hussain ne khud karbala bulaya hai

hai ab qayaam hamara.. hussain ke dar par

5. Salaat mein mere hamraah hogi rooh e salaat

mai baad e matam e sarwar imam e asr ke saath

namaz e asr padhunga.. hussain ke dar par

6. Wahab ki maa se taqabul karo na rahib ka

dar e hussain pe wo bete lene aaya tha

ye dene aayi hai beta.. hussain ke dar par

7. Karam ka chhota sa ek mojiza sunau tumhe

the 2 crore bashar karbala mein phir bhi hume

nahi mila.. nahi mila..

nahi mila koi bhooka.. hussain ke dar par

8. Ye aur baat ke sulbo mein kar raha tha safar

kaha tha maine bhi labbaik isteghase par..

bhala mai kaise na jaata.. hussain ke dar par

9. Bata gayi hai takallum nazar buzurgo ki

bani asad mein tawaej ke qafele mein kabhi

mile imam e zamana.. hussain ke dar par