Karbala ke maqtal me dete hai sada sarwar

Dhoondo mai kaha tumko aye mere ali akbar

1. Girte hai sambhalte hai aur kahte jaate hai

Noor meri aankho se legaye mere dilbhar

2. Haath kyu hai seene par kuch jawaab do beta

Intezaar me tere dar pe hai khadi madar

3. Naam se mai akbar ke basti ye basavungi

Kahti hai yahi beta dekho zainab-e-muztar

4. Tere byaah ka armaa hai bahut jise beta

Muztarib madine me eik hai teri khaahar

5. Toot kar jo seene me rah gayi teri barchi

Baap ne tere kheencha usko ya ali kahkar

6. Baap ka sahaara aur chain khalbe madar ka

Khaak me mila sab kuch aye shabihe paigambar

7. Laasha-e-jawa uthe kis tarha zayeefi me

Aur hussain hai tanha aao saniye haider

8. Teer naiza-o-patthar maarte hai bekas par

Ab na khasim-o-abbas aur na hai tum dilbhar

9. Lash-e-ali akbar leke jab chale bache

Hai raza nigaaho me dard-o-gham ka wo manzar