Khoo se rangeen hui Karb o bala
Karbala aaj bhi hay karb o bala
1.Wada tifli ka nibhanay ko chalay
Ummat e jad ko bachanay ko chalay
Pyas khanjar ki bujhanay ko chalay
Ho ga kuch dair may sar tan se juda
Khoo se rangeen hui Karb o bala
Karbala aaj bhi hay karb o bala
2.Noor ankhon ka jo tha rooth gaya
Sehra Qasim ka teray toot gaya
Tera Abbas tujh se choot gaya
Teer shishmah e Mujahid pe chala
Khoo se rangeen hui Karb o bala
Karbala aaj bhi hay karb o bala
3.Baad e Shabbir ye kehta tha laeen
Ghar walo karna hay aaram nahi
Jang may foji bhi taktay hain kaheen
Looto sadaat ko aur cheeno rida
Khoo se rangeen hui Karb o bala
Karbala aaj bhi hay karb o bala
4.Phatta tha seena jo kehti thi behen
Aey ghareebul watan aey tashna dehan
Qaid may jaati hoon bandhwa ke rasan
Aaon gi karnay ab chehlum may tera
Khoo se rangeen hui Karb o bala
Karbala aaj bhi hay karb o bala
5.Aik rassi may bandhay bara galay
Haey ye zulam aur nazaon ke palay
Kis se shikwa karay naseeb jalay
Koi pardes may apna na raha
Khoo se rangeen hui Karb o bala
Karbala aaj bhi hay karb o bala
6.Aag khaimo me lagi kunba luta
Kurta nadan Sakina ka jala
Jhoola shashmahay ka baqi na raha
Aagay taqdeer may kia kia hay likha
Khoo se rangeen hui Karb o bala
Karbala aaj bhi hay karb o bala
7.Kaise behlaye Sakina ko behan
Raat din roti hay aseer e mehan
Lash us ne bhi to dekhi be kafan
Aur teray dafan ka saman na hua
Khoo se rangeen hui Karb o bala
Karbala aaj bhi hay karb o bala
8.Khaimo may aaj koi baat nahi
Akbar o Qasim o Abbas nahi
Mujh ko ab bhook nahi pyas nahi
Tu hay be gor o kafan may berida
Khoo se rangeen hui Karb o bala
Karbala aaj bhi hay karb o bala
9.Dekhon kin anhkon se manzar ye akhi
Sar tera tasht may hay aur shaqi
Marta hay lab o dandon par charri
Kash aa jati mujhe pehlay qaza
Khoo se rangeen hui Karb o bala
Karbala aaj bhi hay karb o bala
10.Maoon ki goad may bachay na rahay
Pusht se oonton ki gir gir ke maray
Ham jo roey to adoo khoob hansay
Murda bachon ko uthanay na dia
Khoo se rangeen hui Karb o bala
Karbala aaj bhi hay karb o bala
11.Rotay hain jinn o malak aur bashar
Ankhain har ik ki hain ashkon se tar
Sun ke har aik ka phatta hay jigar
Noha Noushad ne kuch aisa likha
Khoo se rangeen hui Karb o bala
Karbala aaj bhi hay karb o bala