Is baat se mehsoos karo kya hai sakina..(2)

abbas ke honton ka qaseeda hai sakina

1. Aaina e zehra mein jo dekha tera bachpan

har aks pukara ke tu zehra hai sakina

2. Jo pyaas k parcham ki alamdar hai ab tak

abbas ki woh pyari sakina hai sakina

3. Abbas ki nazron se koi padh ke to dekhe

ehsas ki ek nehjay balagha hai sakina

4. Jo mashk mein bhar sakta hai duniya ke samandar

konain mein bas woh tera saqqa hai sakina

5. Har umr k haider ne jhulaya tera jhoola

yeh auj faqat tu ne hi paaya hai sakina

6. Daryaon k labno k qalam choom rahay hain

mai ne abhi likha nahi socha hai sakina

7. Rehan ki surat woh sar afraz rahega

jis ne teri dehleez ko chooma hai sakina