Lo Aa Gaya Moharrum Lo Aa Gaya Moharrum

Aankhein Hui Hai Purnam Lo Aa Gaya Moharrum

1) Hai Aarzu Hamari Jab Tak Hai Jaan Baqi

Karte Rahein Ge Maatam Lo Aa Gaya Moharrum

2) Yeh Bebasi Hai Kaisi Tashna Labi Pe Shah(as) Ki

Mehwe Buka Hai Aalam Lo Aa Gaya Moharrum

3) Shabbir(as) Ne Bachaaya Abbas(as) Ne Sambhala

Deen-e-Khuda Ka Parcham Lo Aa Gaya Moharrum

4) Sheh(as) Bole Mere Ghazi(as) Marne Se Tere Bhai

Meri Kamar Hui Kham Lo Aa Gaya Moharrum

5) Sarkaar-e-Dojahaa'n Ka Maara Gaya Nawasa

Kaise Bhulayein Yeh Gham Lo Aa Gaya Moharrum

6) Ye Jaanle Zamaane Gham Shah-e-Karbala Ka

Baqi Rahe Ga Har Dam Lo Aa Gaya Moharrum

7) Ahl-e-Aza Ke Humra Hasnain aur Sahil

Girya Kunaa'n Hai Peham, Lo Aagaya Moharrum