Dosh E Nabi (As) Pa Hai Mahe Anwar Ghadeer Ka

Tauheed Ka Jamal Hai Haider (As) Ghadeer Ka

1). Parde Ke Peechhe Kal Jo Tha Zahir Huwa Hai Aaj

Meraaj Sa Haseen Hai Manzar Ghadeer Ka

Tauheed Ka Jamal Hai Haider (As) Ghadeer Ka

2). Mimbar Pa Mustafa (Saww) Hain To Hain Dosh Par Ali (As)

Arshe Bareen Se Bala Hai Mimbar Ghadeer Ka

Tauheed Ka Jamal Hai Haider (As) Ghadeer Ka

3). Man Kunto Ki Sadayen Hain Dhadkan Bani Hueen

Islam Ki Hayaat Hai Rehbar Ghadeer Ka

Tauheed Ka Jamal Hai Haider (As) Ghadeer Ka

4). Zikre Ali (As) Se Jinki Bhi Batil Namaz Ho

Unpar Gire Ga Hashr Me Patther Ghadeer Ka

Tauheed Ka Jamal Hai Haider (As) Ghadeer Ka

5). Aulaad Ko Jo Deen Sikhana Ho Chahte

Qissa Sunao Unko Bithakar Ghadeer Ka

Tauheed Ka Jamal Hai Haider (As) Ghadeer Ka

6). Zikr E Ali (As) Ko Chhod Ke Ghairon Ka Zikr Ho

Iske Liye Bana Nahi Mimbar Ghadeer Ka

Tauheed Ka Jamal Hai Haider (As) Ghadeer Ka

7). Aashur Ki Qasam Hai Ke Ashur Ki Saher

Paigham Hur (As) Ko Dete Hain Akbar (As) Ghadeer Ka

Tauheed Ka Jamal Hai Haider (As) Ghadeer Ka

8). Qasim (As) Ke Sahre Ne Hai Banaya Ise Haseen

Rab Ka Jamal Ban Gaya Paikar Ghadeer Ka

Tauheed Ka Jamal Hai Haider (As) Ghadeer Ka

9). Akbar (As) Ka Dil Dhadak Ke Yehi Deta Hai Sada

Qurbaan Hussain (As) Par Hai Payambar (Saww) Ghadeer Ka

Tauheed Ka Jamal Hai Haider (As) Ghadeer Ka

10). Meesam (As) Ki Rehbari Me Hi Mehshar Ke Roz Bhi

Keh Layega

Tauheed Ka Jamal Hai Haider (As) Ghadeer Ka