Ya Mehdi Mehdi Ya Mehdi

Adrikni

Adrikni Ya Mehdi Ya Mehdi

Adrikni Adrikni Ya Mehdi

Ya Mehdi Mehdi Mehdi

Ek Mufti Mujhy Dosto Kal Rat Mila Tha

Mehdi Ka Mukhalif Tha Yeh Chehry Py Likha Tha

Emaan Py Mery Zarb Lagany Py Tula Tha

Main Us Ky Irady Py Bahut Dill Mein Hansa Tha

Kehta Tha Yeh Ghaibat Mujhy Afsana Lagy Hai

Mainy Bhi Kaha Tu Mujhy Deewana Lagy Hai

Ya Mehdi Adrikni Ya Mehdi

Ya Mehdi

Har Chez Nazar Aye Zaroori Nahi Mufti

Jannat Bhi Nahi Dekhi Hai Emaan Hai Phir Bhi

Ashab E Kahaf Par Bhi Tujhy Shak Nahi Koi

Phir Kiun Na Zahanat Bhi Hansy Aqal Py Teri

Tu Jis Ko Gumaan Man Raha Hai Woh Yaqeen Hai

Shaitan Ka Qayel To Hai Mehdi Ka Nahi Hai

Ya Mehdi Adrikni Ya Mehdi

Ya Mehdi

Yeh Sunty Hi Marny Laga Woh Bughz Ka Mara

Baz Aya Nahi Phir Bhi Woh Shaitan Ka Pyara

Ek Bar Kiya Phir Usy Zillat Ny Ishara

Aur Hath Rakhy Dill Py Woh Chillaya Bichara

Is Waqt Bata Mujh Ko Tera Mehdi Kahan Hai

Mainy Kaha Allah Jahan Hai Woh Wahan Hai

Ya Mehdi Adrikni Ya Mehdi

Ya Mehdi

Woh Kan Pakarh Kar Yeh Pukara Ary Taoba

Mehdi Ko To Allah Ky Jaisa Hai Samajhta

Mainy Kaha Parh Likh Ky Bhi Jahil Hi Rahy Na

Allah Nahi Hai Wali Allah Hai Mola

Woh Pardy Mein Reh Kar Yeh Sikhaty Hain Khuda Hai

Mehdi Hi Zamaney Ko Bataty Hain Khuda Hai

Ya Mehdi Adrikni Ya Mehdi

Ya Mehdi

Allah Ky Badan Ka Nahi Qayel Mera Firqa

Zahir Mein Na Hath Us Ky Na Ankhen Hain Na Chehra

Lekin Yeh Khudai Jo Chalani Thi Yeh Mullah

Kam Us Ny Yeh Kuch Hathon Ko Kuch Ankhon Ko Sonpa

Allah Ky Nayeb Hain Sajaty Hain Khudai

Khaliq Ki Madad Sy Woh Chalaty Hain Khudai

Ya Mehdi Adrikni Ya Mehdi

Ya Mehdi

Kehny Laga Acha Yeh Hai Asal Mein Chakar

Mainy Kaha Chakrany Lagy Sheikh Ji Sun Kar

Kehny Laga Yeh Aqal Sy Mantiq Sy Hai Bahir

Giarah So Baras Sy Ho Koi Zinda Zameen Par

Main Ny Kaha Kiun Aqal Mein Teri Nahi Aty

Eesa To Samajh Aty Hain Mehdi Nahi Aty

Ya Mehdi Adrikni Ya Mehdi

Ya Mehdi

Woh Bola Ab Itna Bhi Ghuloo Thek Nahi Hai

Eesa Bhi Nabi Hai Yeh Guru Thek Nahi Hai

Mehdi Hain Ali Par Yeh Uloo Thek Nahi Hai

Mainy Kaha Main Thek Hun Tu Thek Nahi Hai

Eesa Ko Jo Mehdi Sy Barhaun To Ghuloo Hai

Woh Sirf Paseena Yeh Muhammad Ka Lahoo Hai

Ya Mehdi Adrikni Ya Mehdi

Ya Mehdi

Taseer E Lahoo Sun Ky Huye Laal Woh Hazrat

Kehny Lagy Yeh Hath Mein Kya Hai Tery Bida’at

Mainy Kaha Bida’at Nahi Tehreer E Muhabbat

Naam Is Ka Areeza Hai Yeh Parwana E Qismat

Woh Bola Ky Had Ho Gai Aisa Bhi Kahin Hai

Kiun Likhty Ho Jab Khat Yeh Pahunchta Hi Nahi Hai

Ya Mehdi Mehdi Ya Mehdi

Ya Mehdi

Ek Lamhy Ko Khamosh Hua Main Bhi Yeh Sun Kar

Woh Samjha Ky Lo Phans Gya Akhir Mein Yeh Kafar

Main Ny Kaha Dill Mein Keh Madad Haider E Safdar

Jari Yeh Takallum Hua Phir Mery Labon Par

Jis Tarha Pahunchti Hai Dua Rabb E Ulaa Tak

Jata Hai Areeza Bhi Yun Hi Dast E Khuda Tak

Ya Mehdi Al Ajal Al Ajal Al Ajal

Adrikni Ya Mehdi Ya Mehdi