Marhaba khairun-nisa

[Marhaba khairun nisa ya zahra] ×2

Bizate khairal wara ya zahra

[Marhaba khairun nisa ya zahra] ×2

aisi maan jis pe meri maa qurbaan

jis ke qadmo ki dhul arzo samaa

jis ke bete shababe ahle jina

jiska shohar he qul ka qul imaan

baap fakhre ambhiya ya zahra

[Marhaba khairun nisa ya zahra] ×2

aisi beti ke baap ki maa he

tu to qalbe rasul me jaan hai

teri tazim uspe lazim he

jispe utra khuda ka quran hai

ai kaneeze kibriya ya zahra

[Marhaba khairun nisa ya zahra] ×2

jis ne gyara imaam pale hai

sehne kaaba ke jo ujaale hai

haye chaki ki wo mushaqat thi

daste zahra mai ye jo chhale hai

deen jis ke ghar pala ya zahra

[Marhaba khairun nisa ya zahra] ×2

jo khadija ke qalb ki dharkan

khuld se jo mangaye pehrahan

tara utra jahaa salami ko

do jahan me hai wo tera angan

ye hai tera martaba ya zahra

[Marhaba khairun nisa ya zahra] ×2

be zaron ko waqare buzar de

tashna kaamo ko jame kausar de

tu hai kono makan ki shahzadi

tu zamin ko bhi aasmaan karde

tu agar karde dua ya zahra

[Marhaba khairun nisa ya zahra] ×2

tune jis qawm ki dua mangi

hai asar sare matami uski

khun apna bahaa rahe hai jo

chahiye unko teri khushnudi

chahiye teri raza ya zahra

[Marhaba khairun nisa ya zahra] ×2

dil tera barsare sina bibi

girta lamhon me asmaan bibi

bad dua tu kaheen jo kardeti

khak hojata ye jahaan bibi

dub jaati karabala ya zahra

[Marhaba khairun nisa ya zahra] ×2

hubbe shabbir me jo qatl huwe

un shaheedon ki maghfirat ke liye

teri nazre karam zaruri hai

tere baba rasul ke sadqe

kar rahe hai ilteja ya zahra

[Marhaba khairun nisa ya zahra] ×2

roya "rehan azmi" ka qalam

likh ke qirtas par jo tere alam

karb se karbala huwa he dil

khun tapka nigah se peham

hosaka na haq adaa ya zahra

[Marhaba khairun nisa ya zahra] ×2