Matam Karo HUSSAIN ALAIHIS SALAM Ka....

Ek Din Mein Ghar Ujar Gaya Logo'n IMAM Ka..

Matam Karo HUSSAIN ALAIHIS SALAM Ka....

1). Sukha Hua Tha SYED E MAZLOOM Ka Gala

Pani Nahi Mila...

Gardan Pe SHEH Ke Shimr Ne Khanjar Chala Dia

Roti Thi SYEDA..

Kya Haal Kar Dia Gaya AALI MAQAAM Ka

2). Ek Din Mein Dil Pe Zakhm 72 Ke Khaye Hai..

Khoo'n Mein Nahaye Hain

HUR JOHN Aur HABIB Ke Laashe Uthaye Hain

Aansu Bahaye Hain..

Khaimo'n Talak Janaza Jo Laya Ghulam Ka

3). Seene Se Apne Bete Ke Naiza Juda Kiya

Haye Wa Musibata..

ZEHRA Ka Laal Dasht Mein Be Noor Ho Gya

Haye Wa Musibata..

Us Be Watan Ka Haaye SHAH E TASHNAKAAM Ka

Hayee.....

4). ZAINAB Ke Dil Pe Kaisi Qayamat Guzar Gayi

Duniya Ujar Gai..

Maqtal Mein SHEH Ki Laash Ki Be Hurmati Huyi

Wo Dekhti Rahi..

Pamaal Laasha Ho Gaya SHAH E ANAAM Ka

5). MAULA Ke Khandaan Pe Barhti Gayi Jafa

Chheeni Gayi Rida..

Chalta Tha Garm Ret Pe Kanto'n Pe Qafla

Bazaar Aa Gaya..

Naize Pe Dekhta Raha Manzar Jo Shaam Ka

6). Pyaso'n Ko Yaad Kar Ke Sabilain Lagao Tum

Pani Pilao Tum..

Kaala Libas Pehno'n Alam Bhi Sajao Tum..

Yu'n Ghum Manao Tum

Farsh E AZA Bichhao Shahido'n Ke Naam Ka

7). Ek Pal Na Bhool Payege Ghurbat HUSSEIN Ki

Jab Tak Hai Zindagi..

Yu'n Hi Karenge Mesum O Azlan Aazmi

MAULA Ki Naukri..

ZEHRA Se Ajr Humko Milega Kalam Ka

Matam Karo HUSSAIN ALAIHIS SALAM Ka....