Al Ajal

ya imame zama..(2)

Nazre talaash karti hai tumko shahe zamaa'n

phir de rahe hai sheh ke azadaar imtehaa'n

aahein, kahi pe nauhe, kahi par hai hichkiya'n

ujde he makaan hai veeraan godiya'n

rudaad apne ghum ki sunati hai kayenaat

aakhri hussain bulati hai kayenaat

Mere maula aao ke muddat hui hai

sitam zaalimo ke uthaate uthaate

tere dushmano ki guzarti hai maula

tere doston ko sataate sataate

1. Guzarti hai jaisi guzarenge maula

na haari hai himmat na haarenge maula

sitam thak gaya hai hue kund khanjar

lahoo momino ka bahaate bahaate

mere maula aao...

2. Kahin nauha matam kahin aahozari

safar karbala ka musalsal hai jaari

jhuke jaa rahe hai zaeefon ke kaandhe

jawaano ke laashe uthaate uthaate

mere maula aao...

3. La'eeno ne hum par mazaalim wo dhaaye

jawan saal laashon pe laashon uthaaye

chale hai shahadat ka sehra sajaaye

wo shaadi ka sehra sajaate sajaate

mere maula aao...

4. Jo behne hai zinda to bhai nahi hai

hai maa baap baaqi to bete nahi hai

jo bete hai baaqi to saaya nahi hai

jigar kaampta hai bataate bataate

mere maula aao...

5. Gharon se chale the jo purse ki khaatir

wo maare gaye raaston me musaafir

kabhi jaate jaate juloose aza me

kabhi mash'had o karbala jaate jaate

mere maula aao...

6. Thi sughra ke lab par sada ye duhaai

chale aao baba chale aao bhai

atakti hai seene may ab meri saanse

tumhein der hojaye na aate aate

mere maula aao...

7. Zaban se jo ki baat usne nibhayi

piya thanda pani na saaye me aayi

zamane se uthi hai asghar ki maadar

khalayon me jhoola jhulaate jhulaate

mere maula aao...

8. Khuda jaanta hai wo kaisa tha manzar

kaleje pe abid ke chalte the khanjar

jawani zaeefi ke dar par khadi thi

sakina ki turbat banate banate

mere maula aao...

9. Takallum ki aur haidari ki dua hai

har ek simt matam hai aah-o-buka hai

na aisa ho hum bhi lehed me ye bole

ahut der ki meherban aate aate

mere maula aao...