Maula AS Aa Jao

-

Ya imam e Zamana As (4)

-

1.Muntazir sab hain Maula aajao.

Waasta Panjatan ka aajao.

-

2.De ke jo khoo'n bachaya dee'n Sheh ne.

Hai isi ka taqaza aajao.

-

3.Dekho Nahar e Furat par Maula.

Ab hai Ghazi ka kabza aajao.

-

4.Daagh dil me jawa'n pisar ka hai.

Marham e dard e Laila aajao.

-

5.Muddato se pukaarta Hai tumhe.

Nanhe Asghar ka jhoola aajao.

-

6.Zakhm kitne lie hue dil pe.

Raah takti hai Zahra aajao.

-

7.Kitni sadiyo'n se beqarari se.

Raah takta hai Kaba aajao.

-

8.Kufr o baatil ki teergi chhayi.

Le ke haqq ka ujaala aajao.

-

9.Ab bhi wira"n mazaar e Zahra hai.

Karne taameer rouza aa jaao.

-

10.Shauq e deedar me hai bejaa'n 'Anees'.

Poori ho ab tamanna aajao.

-