haaaye

zindaan e shaam hai ye zindaan e shaam hai

baba k sir ko dekh kar sajjad ne kaha

shab e ashur ki jaagi sakina so gayi baba

jo kehti thi na soungi sakina so gayi baba

tumhaare baad se baba use kab neend ati thi

tumhaari yaad har lamha sakina ko jagati thi

abhi kuch der pehle hi sakina so gayi baba

bohot koshish sulaane ki usse amma ne ki lekin

kahan soti thi masooma aye baba jaan tumhaare bin

magar ab aap ki aadi sakina so gayi baba

jo soti hi nahi thi loriyan de kar sulaane se

ye kaisi neend hai uthti nahi mere uthane se

hamesha jaagne wali sakina so gayi baba

mera maqsad nahi tha dil yateema ka dukhaane ka nahi aaoge to ye bhi zaroori tha bata dena

ye sun kar teri shehzadi sakina so gayi baba

jo apne kaanpte honton se tera naam leti thi

na jaane kiya hua baba wo ab kuch bhi nahi kehti

batati hai ye khaamoshi sakina so gayi baba

bhala kis tarha se baba mai apne dil ko samjhaaun

khabar kaise ye jaakar bibiyon me haye batlaaun

suni jab maut se lori sakina so gayi baba

kaha armaan ne Sajjad se Baqir ne ro ro kar

uthaane se nahi uthhti hai ab Shabbir ki dukhtar

jagaane se na jaage gi sakina so gayi baba

Shab e Ashur ki jaagi Sakina so gayi baba