Sayyada Fatemah

[Sayada fatemah] ×12

Shohar wali, pidar hai payambar, pisar imam

Jis bibi ka nabi pe, lazim tha ehtaraam

Ummat ko baad-e-ehmad, ayi na kyu(n) haya

[Sayyada fatemah] ×8

Duniya ko khalq karke, Allah ne kaha,

Sara jahaan tere, sadqe me hai bana

Uncha hai kitna bibi, ye martaba tera

[Sayyada fatemah] ×8

Bibi tumhare dar se humko hai aasra

Zainab ka waasta hay sunlijiye dua

Miljaye roze hashr, chadar ki bas hawa

[Sayyada fatemah] ×8

Kehti rahi mei fatema, bint-e-rasool hu(n)

Bagh-e-Fidak ko cheen ke khush ho rahe ho kyun

Bint-e-rasool ki hai, kya hai yahi jaza

[Sayyada fatemah] ×8

Tutti huwi kamar hai, mohsin guzar gaye

Ummat ne mujh pe baba kya kya sitam kiye

Qabre rasool par yu(n) karti rahi buka

[Sayyada fatemah] ×8

Zainab ko ye wasiyyat deti hai fatema

Bazar-e-sham o kufa ka hoga marhala,

Deene khuda ka us dam, tum hogi aasra

[Sayyada fatemah] ×8

Zahra ka laal tha aur, zalim ki fauj thi

Chaaro(n) taraf se aayi, barsaat teer ki,

Gore se jab gire to, sarwar ne di sada

[Sayyada fatemah] ×8

Balo(n) se saaf karti, zahra woh sar zami(n)

Jis khaak pe ghiregi, shabbir ki jabi(n)

Kya maa ke dil pe ghuzri, jab sheh ka sar kataa

[Sayyada fatemah] ×8

Beparda qafla jab, aale rasul ka,

Karbobala me lut ke, zindan ko chala

Zainab ko har qadam par, deti thi hosla

[Sayyada fatemah] ×8

"Shabbir ki dua hai" Abbas ki dua

Jeeteji nawha dono, parhte rahe tera

Marte huwe bhi lab par, bas ho yahi sadaa

[Sayyada fatemah] ×8