Khali alam hai aaya Abbas-e-bawafa Ka
Sheh rote jaa rahe Hain
Kaisa ye ghul macha hai,Dariya pe kya Huwa hai
Sheh rote jaa rahe Hain..
1) Khaime ke dar pe teri,hai muntazir Sakina
Dushwar Hogaya hai,piyaso'n Ka haye jina
Roye tadap tadap Kar ,sar ko patak patak Kar
Wo jaa'n se jaa rahe Hain...
Sheh rote jaa rahe Hain
2) Mojo'n pe alqama ki ,tha zalimo Ka pahera
Sadat ke qamar ko,tha zalimo ne ghera
Doba wo Chand kaise ,mola Hussain ro ke
Sab ko Bata rahe Hain
Sheh rote jaa rahe Hain
3) Doba huwa lahoo me,parcham Ka hai pharera
Ankho'n me dekhte hi,hai cha Gaya andhera
Ghazi ke ghum me piyase, haato'n me khali koze
Bache gira rahe Hain
Sheh rote jaa rahe Hain
4) Bacho'n se kheh rahi hai,ro ro ke yu'n Sakina
Lagta hai mere Ammu,aayenge ab Kabhi na
Ek doje se lipat Kar ,Bache Bilak Bilak Kar
Anso'n baha rahe hai
Sheh rote jaa rahe Hain
5) Kyu'n surq Hogaya hai ,Dariya Ka wo kanara
Shaid MERI rida Ka zameen Gaya hai maara
Zainab ye kheh rahi hai,aasar alqama ke
Mujhko bata rahe Hain
Sheh rote jaa rahe Hain
Haye Abbas haye Abbas haye Abbas.......
Haye barpa hua ye kaisa sitam wa waila
Nehr pe ghir gaya saqqa e haram wawaila
Naiza bazo'n me, kahi'n teero ki bocharo me
Mashk khandhe pe rakhe aate hain talwaro'n me.
Waar ek aisa hua, ho gaya ek bazu juda
Doosre bazu me phir mashk o alam ko thama..
Nagaha'n doosra bazu bhi kata, haye ghazab.
Hai bina bazuo'n ke sher khada, haye ghazab..
Apne har zakhm se ghazi abhi begaana hai
Zehn me baccho'n talak mashk ko Pahonchana hai..
Bacche pani jo piye'n dil. Mera thanda hoga
Mashk khaime me pahonch jaye to accha hoga..
Teer se ek Shaqi ke jo chida mashkeeza
Beh gaya jalti hui ret pe pani sara..
Haye haye bani hashim ka qamar khoon hua
Aas abbas ki kya tooti, jigar khoon hua..
Pal me ghazi ke liye jeena tha aur marna tha
Mashk se pani ke behne ka abhi sadma tha..
Ran me har samt se talwaron ki bochar huwi
Haye bin bazuo'n par kaisi ye yalghaar hui..
Kahi'n naiza, kahi'n shamsheer, kahin teer chala
Zakhm par zakhm lage, khoon me dooba saqqa..
Nagaha'n sar pe laga gurz , to sambhla na gaya.
Haye abbas ka sar ho gaya para para..
Zeen Se aaya zamee'n pr wo sakeena ka chacha
Al madad shahe zama'n. Bas ye pukara saqqa.
Aye sarwar to ye abbas ki halat dekhi
Khoon me doobi hui chand ki soorat dekhi..
Akhri waqt hai , sar zanu pa rakhe hain hussain.
Dekh k ghazi ka mu'nh, cheekh ke rote hain Hussain..
Kaun samjhe bhala shabbir ki tanhayi ko
Dekha kis yaas se ek bhai ne ek bhai ko..
Dekhte dekhte, duniya se sidhare abbas.
Shor uttha ke gye nahr pe mare abbas..
Sath abbas ne shabbir ka yu'n chord diya
Samne bhai ke ek bhai ne dam tord diya...
Haye Abbas haye Abbas haye Abbas haye Abbas......
6) Dariya pe sogaya hai,bazo kata ke Bhai
Qam Kar Gayi kamar ko, Jawad wo judai
Khaime me hai khayamat ,Abbas ki shahadat
Mola suna rahe Hain
Sheh rote jaa rahe Hain