Haaye Sughra*3
Haaye Sughra*3
Sughra Se Tu Sakina Badi Khushnaseeb*2 Hai
Rehkar Musafirat Me Bhi Sab Ke Qareeb Hai
Sughra Se Tu Sakina Badi Khushnaseeb*2
1)
Phupiyo'n Ka Tujhko Saath Mubarak Ho Aye Behen
Baba Ka Sar Pe Haath Mubarak Ho Aye Behen
Mai Sab Se Chudgaye Mere Qismat Ajeeb Hai
Sughra Se Tu Sakina Badi Khushnaseeb*2
2)
Is Ranjo Gham Se Mere Maraz Aur Badhgaye
Ek Din Me Saare Chahne Wale Bichadgaye
Mera Naseeb Jaane Yeh Kaisa Naseeb Hai
Sughra Se Tu Sakina Badi Khushnaseeb*2
3)
Khushiya'n Tamam Haaye Watan Se Chaligayi
Muh Pher Kar Bahare Chaman Se Chaligayi
Weeraniyo'n Me Nouha Kuna Andaleeb Hai
Sughra Se Tu Sakina Badi Khushnaseeb*2
4)
Tanha Watan Me Teri Behen Jeena Payegi
Ab To Khabar Tujhe Mere Marne Ki Jayegi
Baba Ke Hijr Me Meri Halat Ajeeb Hai
Sughra Se Tu Sakina Badi Khushnaseeb*2
5)
Bhaiyya Ko Mere Dard Ka Ehsaas Bhi Nahi
Mai Hoo'n Qareeb E Marg Koi Paas Bhi Nahi
Teri Behen Watan Me Bhi Rehkar Ghareeb Hai
Sughra Se Tu Sakina Badi Khushnaseeb*2
6)
Aata Nahi Hai Koi Mareeza Ko Thaamne
Rehte Hain Sab Ke Chehre Nigaho'n Ke Saamne
Beemare Gham Hoo'n Aur Na Mayassar Tabeeb Hai
Sughra Se Tu Sakina Badi Khushnaseeb*2
7)
Aajao Bhai Jaan Bas Itna Karam Karo
Aakar Behen Pe Sura E Yaseen Dam Karo
Dil Doobta Hai Mout Ki Manzil Khareeb Hai
Sughra Se Tu Sakina Badi Khushnaseeb*2
8)
Baba Kaha'n Mareeza Me Taqat Hai Sabr Ki
Is Laash Ko Supurd Karo Aake Khabr Ki
Ham Shakle Mustafa Ki Judayi Saleeb Hai
Sughra Se Tu Sakina Badi Khushnaseeb*2
9)
Meri Taraf Se Bali Sakina Tere Nisaar
Sadqa Utaarna Ali Asghar Ka baarbaar
Pardes Ka Safar Hai Zamana Raqeeb Hai Hai
Sughra Se Tu Sakina Badi Khushnaseeb*2
10)
Milwaye Mujh Ghareeb Ko Kunbe Se Phir Khuda
Roze Pe Dada Jaan Ke Kardena Yeh Dua
Sunti Ho Karbala Se Najaf Bhi Qareeb Hai
Sughra Se Tu Sakina Badi Khushnaseeb*2
11)
"Akhtar" Ghamo'n Me Doobe Hain Sughra Ke Waqiyaat
"Aamir" Bayan Karta Hai Roti Hai Kayenaat
Sughra Ki Daastan AjeebOGhareeb Hai
Sughra Se Tu Sakina Badi Khushnaseeb*2
Haaye Sughra*3
Haaye Sughra*3