Nazar Mein Leke Bahattar Shahadato Ka Nizam
Hilal Se Shabe Ashur Keh Rahe Hai Imam (as)
Lahoo Mein Dubi Huwi Dastaa'n Sunate Hai
Hilal Aao Tumhe Karbala Dikhate Hai
Suno Hilal Suno, Suno Hilal Suno....2
Lahoo Mein Dubi Huwi Dastaa'n Sunate Hai,
Hilal Aao Tumhe Karbala Dikhate Hai....2
Shahadato Ka Yeh Ek Silsila Hai Batarteeb
Banegi Kal Isi Maqtal Ki Khaaq Sab Ka Nasib
Na Dekh Paaoge Jo Waqt Aa raha Hai Kareeb
Shahid Hoge Yaha'n John Aur Zohairo Habib
Hilal Aao Tumhe Karbala Dikhate Hai....
Suno Hilal Suno Suno Hilal Suno....
Lahoo Mein Dubi Huwi Dastaa'n Sunate Hai....
Hilal Aao Tumhe Karbala Dikhate Hai....
Palat Ke Aayega Koi Baraye Kurbaani
Tumhe Khabar Hai Kai Din Se Band Hai Paani
Ada Karenge Bhala Kaise Haqqe Mehmaani
Yahan Pe Khoon Mein Dubegi Hur Ki Peshaani
Hilal Aao Tumhe Karbala Dikhate Hai....
Suno Hilal Suno Suno Hilal Suno....
Lahoo Mein Dubi Huwi Dastaa'n Sunate Hai....
Hilal Aao Tumhe Karbala Dikhate Hai....
Woh Laal Jo Hame Lagte Hai Jaan Se Pyaare
Karenge Jung Yahi Teen Roz Ke Pyaase
Lahoo Lahoo Nazar Aayenge God Ke Paale
Shahid Hoge Yahan Naunihal Zainab (sa) Ke
Hilai Aao Tumhe Karbala Dikhate Hai....
Suno Hilal Suno Suno Hilal Suno....
Lahoo Mein Dubi Huwi Dastaa'n Sunate Hai....
Hilal Aao Tumhe Karbala Dikhate Hai....
Bayaa'n Shahadate Qasim Ka Ab Kare Kaise
Naa Baaz Aayenge Ek Zulm Par Jafa Waale
Bhagaye Jaayege Us Jism Naaz Par Ghode
Simat Na Paayenge Paamal Laash Ke Tukde
Hilal Aao tumhe Karbala Dikhate Hai....
Suno Hilal Suno Suno Hilal Suno.
Lahoo Mein Dubi Huwi Dastaa'n Sunate Hai.
Hilal Aao Tumhe Karbala Dikhate Hai.
Ajib Zakhme Jigar Hai Ye Ranjo Gum Ki Asaas
Rahega Kaun Madad Gar Ab Hussain (as) Ke Paas
Hame Zaeef Kiye Jaa raha Hai Ye Ahsaas
Na Kal Furaat Se Aayenge Laut Kar Abbas (as)
Hilal Aao Tumhe Karbala Dikhate Hai.
Suno Hilal Suno Suno Hilal Suno.
Lahoo Mein Dubi Huwi Dastaa'n Sunate Hai.
Hilal Aao Tumhe Karbala Dikhate Hai.
Lahoo Bhare Huwe Mashko Alam Jab Aayenge
Kamar Pakad Ke Sare Dasht Beth Jaayenge
Phir Aysa Quwate Baazu Kaha'n Se Laayenge
Bagair Bhai Ke Khaime Mein Laut Aayenge
Hilal Aao Tumhe Karbala Dikhate Hai.
Suno Hilal Suno Suno Hilal Suno.
Lahoo Mein Dubi Huwi Dastaa'n Sunate Hai.
Hilal Aao Tumhe Karbala Dikhate Hai.
Hamara Laal Jo Akbar(as) Hai Mustafa (saww) Jaisa
Sina ne Zulm Woh Apne Jigar Pe Khaayega
Nazar Ke Saamne Hoga Jawaan Ka Laasha
Ajib Waqt Mein Aayega Qaside sughra (sa)
Hilal Aao Tumhe Karbala Dikhate Hai.
Suno Hilal Suno Suno Hilal Suno.
Lahoo Mein Dubi Huwi Dastaa'n Sunate Hai.
Hilal Aao Tumhe Karbala Dikhate Hai.
Yaha'n Pe Hoga Sitam Aysa Ek Bache Par
Zamino Arsh Bhi Hojaye Jis Pe Zero Zabar
Tum Hi Bataao Ke Hum Baap Mein Kahe Kyun Kar
Yeh Woh Jagaah Hai Jaha'n Hogi Turbate Asghar (as)
Hilal Aao Tumhe Karbala Dikhate Hai.
Suno Hilal Suno Suno Hilal Suno.
Lahoo Mein Dubi Huwi Dastaa'n Sunate Hai.
Hilal Aao Tumhe Karbala Dikhate Hai.
Tasavuraat Mein Jaakar Zara Udhar Dekho
Namaze Asr Ke Manzar Ko Ek Nazar Dekho
Nasheb Mein Tahe Khanjar Hamara Sar Dekho
Jo Dekh Paao To Zehra (sa) Ko Nauhagar Dekho
Hilal Aao Tumhe Karbala Dikhate Hat....
Suno Hilal Suno Suno Hilal Suno,...
Lahoo Mein Dubi Huwi Dastaa'n Sunate Hai....
Hilal Aao Tumhe Karbala Dikhate Hai....
Jaha'n Pe Khud Koi Mazlum Apni Baat Kare
Har Ek Lafz Pe Aankho Se Behre Ashk Bahe
Padhe To Kis Tarah "meesum" "kalim" Kaise Likhe
Baiyaze ghum Hai Muasalsal Hussain (as) Ke Fikre
Hilal Aao Tumhe Karbala Dikhate Hai....
Suno Hilal Suno Suno Hilal Suno....
Lahoo Mein Dubi Huwi Dastaa'n Sunate Hai....
Hilal Aao Tumhe Karbala Dikhate Hai....3