Mera beemar imam..(6)

haye sajjad, haye sajjad..(2)

Phir Fatima ke ghar mein, farshe azaa bicha hai

beemar e karbala ka, taboot uth raha hai

Karbobala ka zakhmi, yasrab mein chal basa hai

beemar e karbala ka, taboot uth raha hai

Phir Fatima ke ghar mein....

1. Haye zere kafan bhi uski aankho'n se khoo'n hai jaari

yaad aa rahi hai ghurbat sajjad ko padar ki

roze se Mustafa ki aylaan ho raha hai

beemar e karbala ka, taboot uth raha hai

Phir Fatima ke ghar mein..

2. Haye, baqir se keh raha tha sadaat ka gharana

pehlu mein nanajaa'n ke mayyat na leke jaana

pehle bhi ek janaza ghar wapas aa chuka hai

beemar e karbala ka, taboot uth raha hai

phir Fatima ke ghar mein..

3. Haye, ab to madine walo tumko sukoo rahega

royega aur na iski aankho'n se khoo'n bahega

baba ko rone wala khamosh hogaya hai

beemar e karbala ka, taboot uth raha hai

phir Fatima ke ghar mein..

4. Mayyat ke aage aage ye koi keh raha tha

bazaar se na guzre sajjad ka janaza

bazaar ko ye qaidi rota hua gaya hai

beemar e karbala ka, taboot uth raha hai

phir Fatima ke ghar mein..

5. Haye, maara hai is tarha se zalim ne zeher deke

kat katke bahar aaye iske jigar ke tukde

haye pehlu pe fatima ke phir zakhm ek laga hai

beemar e karbala ka, taboot uth raha hai

phir Fatima ke ghar mein..

6. Taboot se lipat kar kehti hai koi bacchi

zindaan se hai aayi bhaiyya behen tumhari

aankhein to khol lo ab sar par mere rida hai

beemar e karbala ka, taboot uth raha hai

phir Fatima ke ghar mein..

7. Akbar jo laash e fizza dafna ke uthhe maula

aayi sada e zainab baqir watan chala jaa

sajjad ka janaza tayyar hogaya hai

beemar e karbala ka, taboot uth raha hai

phir Fatima ke ghar mein..