Jaanay Lagay Jo Chor Ke Duniya Ko Mustafa
Bhai Se Apne Ro Ke Wasiyyat Mein Yeh Kaha
Bole Nabi Ali Se, Badlega Yoon Zamaana
Talwaar Mat Uthana
Hoga Tumhara Kunba, Har Zulm Ka Nishaana
Talwaar Mat Uthana
Kaise Bataaoon Tum Ko Kuch Din Mein Tere Ghar Par
Yasrab Ke Sab Sitamgar Aayenge Aag Le Kar
Sholon Ki Zad Mein Hoga Jis Dam Tera Gharaana
Talwaar Mat Uthana
Darwaaze Ko Jala Kar Hamla Nahi Rukega
Zahra Pe Ik Shaqi Ki Tthoukar Se Dar Girega
Aayega Tere Ghar Mein Lashkar Jo Faatehaana
Talwaar Mat Uthana
Khud Apni Bekasi Par Roti Rahegi Zahra
Paamaal Dar Ke Neechay Hoti Rahegi Zahra
Hoga Jo Zaalimon Ka Us Par Se Aana Jaana
Talwaar Mat Uthana
Tum Ho Ghayoor Teri Ghairat Na Seh Sakegi
Lekin Khuda Ke Deen Ki Hurmat Bachi Rahegi
Jis Waqt Fatima Par Barsega Taaziyaana
Talwaar Mat Uthana
Main Jaanta Hoon Kya Hai Aulaad Ka Bicharna
Par Meri Fatima Ke Seenay Mein Dil Hai Maa Ka
Zahra Ke Saath Tum Bhi Mohsin Ka Gham Manaana
Talwaar Mat Uthana
Ehsaas Hai Mujhe Dil Naazuk Hai Betiyon Ka
Kab Dekh Paayengi Woh Gardan Pe Zakhm Tera
Har Haal Mein Tum Un Se Daagh-e-Rasan Chupaana
Talwaar Mat Uthana
Mere Nabi Ka Meesam Yeh Aakhri Sukhan Tha
Aey Sher-e-Haq Yehi Hai Haalaat Ka Taqaaza
Apne Sukoot Se Tum Deen-e-Khuda Bachaana
Talwaar Mat Uthana