[Haaye Mere Abbas] ×4

[Jab Ridaa Sar Se Chhini, Mai Sadaa Deti Rahi, Tu Na Aaya Ghazi] ×2

Aale-Imraan Kahaan, Aur Zindaan Kahaan

Ye Behen Qaid Huwi, Tu Na Aaya Ghazi

Jab Ridaa Sar Se Chhini, Mai Sadaa Deti Rahi, Tu Na Aaya Ghazi

1. Hamko Paani Na Mile, Teri Khushbu Toh Rahe

Tere Baazu Na Kate, Chaahe Mashkiza Chhide

Yeh Magar Ho Na Saka, Tere Baazu Hai Judaa,

Mujhpe Hai Tashna-Labi, Tu Na Aaya Ghazi

2. Dhup Mai Tu Thaa Shajar, Tujhse Aabaad Thaa Ghar

Hai Barehna Mera Sar, Kya Nahin Tujhko Khabar

Ay Alamdaare-Wafaa, Is Behen ko bakhuda

Tujhse Dhaaras Thi Bari, Tu Na Aaya Ghazi

3. Aagayi Shaam-e-Alam, Lutgaye Ehle-Haram

Ret Par Jalti Huwi, Hogaya Thanda Alam

Pursaa Dene Ke Liye, Mujhse Milne Ke Liye

Aagaye Baba Ali, Tu Na Aaya Ghazi

4. Kya Kahun Sher Mere, Beridaa Hamko Liye

Ye Musalmaa(n) Saare, Shehr dar Shehr Gaye

Khilqate Kufa Kabhi, Khilqate Shaam Kabhi

Aur Haa(n) Ham Pe Hassi, Tu Na Aaya Ghazi

5. Kitni Bebas Thi Behen, Ai Shehenshaahe Wafaa

Naam Leleke Mera, Jab Ye Zaalim Ne Kahaa

Naaz Tha Jispe Tujhe, Ab Bulaaona Usse

Aur Mai Roti Rahi, Tu Na Aaya Ghazi

6. Qaid Khaane Mai Qazaa, Jab Sakina Ko Mili

Deke Kurte Ka Kafan, Bacchi Dafnaayi Gayi

Us Ghari Naam Tera, Surate Naade-Ali

Dukh Mai Dohraati Rahi, Tu Na Aaya Ghazi

7. Roya "Rehan" Kalam, Karke Yeh Baat Raqam

Khun Mai Dub Gaya, Mere Ghazi Ka Alam

Zakhmi Zainab Ka Jigar, Khun-Fishaan Shah Ka Sar

Aaye Khaimon Mai Shaqi, Tu Na Aaya Ghazi

Jab Ridaa Sar Se Chhini, Mai Sadaa Deti Rahi, Tu Na Aaya Ghazi

[Tu Na Aaya Ghazi] ×2