Ujjar gaya hai

[Shaame gharibaan] ×2 jalte khaima, [yaas ka aalam] ×2

Koi yahaan karta tha nawha [aur koi matam] ×2

Naade ali parhne lagi zainab [dasht mein jis dam] ×2

Haay, Fizza ne kiya marsiya ya haidare karrar

[Ujar gaya hai zainab ka ghar baar] ×3

Subhe daham se asr ke hangame balaa tak

Baiyat se chali baat to aapohnchi rida tak

[Zainab ko yaqeen hogaya] ×2

Ya Haidare Karrar

[Ujar gaya he zainab ka ghar baar] ×3

Roti rahi woh alqama aur pyaase rahe hum

Saadat ne paya yahaan har lamha naya gham

[Har zakhm par aisa laga] ×2

Ya Haidare Karrar

[Ujar gaya he zainab ka ghar baar] ×3

Kya waqt tha pardes mein aulaade nabi par

Khaime se jo marne chale ham shakle payambar

[Shabbir ne ro kar kaha] ×2

Ya Haidare Karrar

[Ujar gaya he zainab ka ghar baar] ×3

Is se bari ab aur kya aayegi qayaamat

Khud baap le kar aagaya jab bete ki mayyit

[Ro kar pukaari Karbala] ×2

Ya Haidare Karrar

[Ujar gaya he zainab ka ghar baar] ×3

Ujre nahin pardes mein yun kunba kisi ka

Matam huwa jab dasht mein abbase jari ka

[Roya alam royi wafa] ×2

Ya Haidare Karrar

[Ujar gaya he zainab ka ghar baar] ×3

Auno Muhammad hogaye maqtoole jafa jab

Beton ke laashe dekh ke ye kehti thi Zainab

[Lo dekhlo aakar zara] ×2

Ya Haidare Karrar

[Ujar gaya he zainab ka ghar baar] ×3

Aqa tumhaare laal pe jab chalta tha khanjar

Royi zameene karbala ye marsiya parh kar

[Ya Mustafa ya Fatima] ×2

Ya Haidare Karrar

[Ujar gaya he zainab ka ghar baar] ×3

Ab na yahaan Shabbir hai na baaqi he lashkar

Bas karbala ki khaak he aur aale payambar

[Ehle haram ki he buka] ×2

Ya Haidare Karrar

[Ujar gaya he zainab ka ghar baar] ×3

Ab "Mazhar-o-Irfan" ke aayi he labon par

Jo baat fizza ne kahi is jalti zameen par

[Hojaaye ye dunya fanaa] ×2

Ya haidare karrar

[Ujar gaya he zainab ka ghar baar] ×3