Haye sakina ki ghareebi..(2)

baap ko khwaab mein dekha to pukari dukhtar

aap jis din se gaye..(2)

aye mere mazloom padar

phir iske baad kaha'n soyi sakina

umr bhar royi sakina..(2)

phir iske baad kaha'n soyi sakina, baba

umr bhar royi sakina..(2)

1. Aap maqtal ko sidhare to hui khaak basar

raakh sab khaime hue jalke phuphi bechadar

tumne pehnaye the jo..(2)

le gaya zalim wo gauhar

phir iske baad...

2. Bhoolna chaha bhi lekin na bhula payi wo baat

naqsh is dil pe hue hai wo sukoo ke lamhaat

aapke seene pe mai..(2)

soyi thi ashoor ki raat

phir iske baad...

3. Mere rukhsaar pe dekho to tamacho'n ke nishaa'n

aankh se ashk to kaano se lahu bhi hai rawaa'n

aapke sar ki qasam..(2)

qaidi hui jab se yahan

phir iske baad...

4. Baba hum gyarah(11) moharram ko safar par nikle

shaam ki samt sabhi qaidi chale rote hue

kaise batlau tumhe..(2)

raah mein jo zakhm mile

phir iske baad...

5. Chalte naaqe se mai ek baar giri mehwe fugha'n

qafila roka gaya qaidi hue nauha kuna

dadi zehra se mili..(2)

soyi thi kuch der wahan

phir iske baad...

6. Baba ek ye bhi qayamat ka sitam tha hum par

shaam ke logo ne barsaye the hum par patthar

pattharo se jo lage..(2)

zakhm dile nazuk par

phir iske baad...

7. Tees ghanto ka safar wo bhi aseeri ki liye

phir bulaya mujhe zalim ne kaneezi ke liye

ye sitam kam to nahi..(2)

aap ki beti ke liye

phir iske baad...

8. Aap ki yaad, tamacho ke sitam, tanhai

dekho taqdeer sakina ko kahan le aayi

baba jis roz se mai..(2)

qaid e sitam mein aayi

phir iske baad...

9. Bayn irfan sakina ke likhe kya mazhar

baap ko khwab mein dekha to pukari dukhtar

aap jis din se gaye..(2)

aye mere mazloom padar

phir iske baad kaha'n soyi sakina, baba