Uth ja mere Sajjad (a.s.)

Haaye Sajjad (a.s.), Haaye Sajjad (a.s.), Haaye Sajjad (a.s.)

Shaam-e-Ghareeban, jalte khaime, uthta dhuwan

Aun (a.s.) o Muhammad (a.s.) ki maa (s.a.)

Aayi Sajjad (a.s.) ke khaime mein

Kaha shaana hila kar rote hue

Aabaad rahegi Karb-o-Bala ×2

Chal Shaam karein aabaad — uth ja mere Sajjad (a.s.)

Uth ja mere Sajjad (a.s.) — mera maan-jaya nahin aaya

Sun Zainab (s.a.) ki fariyaad — uth ja mere Sajjad (a.s.)

Amma (s.a.) ka haath galay par tha, door se dekha tha main ne (haaye)

Maqtal mein sookhi gardan par jab Shimr ne teerah waar kiye

Woh bhai (a.s.) mera… waayela… maara gaya pyasa… waayela

Jis bhai (a.s.) par qurbaan hui ×2

Pyaasi meri aulaad — uth ja mere Sajjad (a.s.)

Khaimon mein hi jal jaayein na, khaimon se nikal jaayein baahir (haaye)

Kya hukm hai tera Zainab (s.a.) ko, ek baar bata de tu uth kar

Na Qasim (a.s.) hai, na Asghar (a.s.) hai, Abbas (a.s.) hai aur na Akbar (a.s.) hai

Bas tera sahaara hai hum ko ×2

Bhaiya Shabbir (a.s.) ke baad — uth ja mere Sajjad (a.s.)

Yeh Shaam-e-Ghareeban hai beta (a.s.), teri pehli shaam-e-imaamat ki (haaye)

Teri salaari mein Shaam talak karna hai safar ban kar qaidi

Na mahmil hai, na howdaj hai, na lashkar ki woh saj-daj hai

Jab haath bandhenge gardan se

Ghazi (a.s.) aayega yaad — uth ja mere Sajjad (a.s.)

Be maqna o chadar, naaqa se humein jaana hai Sajjad (a.s.) jahan (haaye)

Aye laal (a.s.) suno, kaise hoga Sadat (a.s.) ka isteqbaal wahan

Bazaar mein aane se pehle, rokenge humein darwazay pe

Galiyon ko sajaaya jaayega ×2

Naye honge sitam ijaad — uth ja mere Sajjad (a.s.)

Sajjad (a.s.) teri masoom behan (s.a.) zalim ke tamaachay khayegi (haaye)

Maangega kaneezi mein haakim, darbaar mein jab woh jaayega

Mar jaayegi durre kha kha kar, zindan mein usko dafnakar

Tujhe rona hai chalis baras ×2

Na honge kabhi hum shaad — uth ja mere Sajjad (a.s.)

Az Shaam, az Shaam, az Shaam suna aur aankhein kholein Abid (a.s.) ne (haaye)

Zainab (s.a.) ne kaha, aye Zeeshan o Irfan sahaara dete hue

Maqtal mein paday un laashon ka, chehlum karne un pyaason ka

Aayenge dobaara Karb-o-Bala ×2

Jab honge hum aazaad — uth ja mere Sajjad (a.s.)

Haaye Sajjad (a.s.)