Ya Saqhi Abbas E Ghazi Kijiye Poori Dua

Aapko Maula Rida e Zainaibi Ka Waasta

Zindagi guzre hamari zaire saya ye alam

Hum pa ho babul hawaij aapka lutfo karam

Umr bhar qayim rahe ye aapki mehro ata

Aapke parcham ko jhuk kar jo bhi karta hai salam

Maula khush hota hai dil se sunke kay jo Abbas naam

Uski sab hajaat poori kijiye behre khuda

Dard mein jo mubtela hain unka ab darmaan ho

Aapke dar se ata unko bhi maula daan ho

Jo mareeze la dawa hain payen wo kulli shifa

Jo bhi hain majboor o be kas be saro samaan hain

Jo paresan haal hain tang dast jo insan hain

Kijiye imdad unki aap hain behre saqa

Ya shahe faqa kashi karne pa jo majboor hain

Rizq ho unko ata hon shaad jo ranjoor hain

Qarz maqroozon ka maula ghaib se kije ada

Sadqa bali ke baradar asghar e be sheer ka

Mayen aulade nareena ki jo kartin hain dua

Jholiya'n un sab ki bharde'n aap hain hajat rawa

Haider e karbobala shabbeer ke zore kamar

Har hussaini matami ko dijiye zaade safar

Sab kare'n dedaar Aa kar aapki jageer ka

Khoon mein shamil wafa rasme alamdari rahe

Majlis o matam hamari nasl mein jari rahe

Dil ba dil seena ba seena bus Ali ki ho wila

Yun meri bhi saans tootey aey Ali ke noore ain

Saamne roza ho sheh ka lab pa ho haye Hussain

Shozab o jawwad ki ho jaye madfan karbala