Ay Zair-e-Hussain

Zawwar-e-Karbala

Nabi ki nazr-e-karam hai

Khuda ki rehmat hai

Khusha nasseb key tum

Zair-e-Hussain baney

Ay janey waley safar ko

Najaf sey Karbobala...

Mere Hussain ko mera

Salaam kehdena...

Meri taraf sey wahan parhkey

Marsiya Nawha

Mere Hussain ko mera

Salaam kehdena...

Payadapa jo safar ishq ka shuru hoga

Tumhara jissm aqeedat sey ba wazuu hoga

Qadam uthaaongue chalne ko har qadam pai zara

Tumharey payron mei chaallon key jo nishaan hongey

Mere Hussain ki ulfat ke tarjumaan hon gye

Padhe ga apke pairon mai jis gari challa

Jahan se sarhad e Karbobala shuru hogui

Wahan pai khushbo e Shabbir chaarsu hogui

Mehak Hussain ki mehsos ho to behre khuda

Batana Sheh ko watan mai ghulam rota hai

Tumhari yaad mai wo subh o shaam rota hai

Labon pai us ke rawan hai faqat yahii misra

Jo poncho Karbobala khayma Gah-e-Sarwar par

Jahan Akhii se bichartii thi ik Behan muztar

Usi maqam pai jaa kar yai kaam karna mera

lagii thi Hazrat-e-Akbar ko jis jagha barchii

Jahan Hussain ney bete ki lash rakhii thii

Wahan pai Hazrat-e-Akbar ka parhkey ik noha

Jahan pai Hazrat-e-Abbas key kattey baazu

Jahan Hussain qamar par na rakh sakheye qabuu

Wahan pai dey ke zara deyr Shah ko pursa