Dooba lahu me laut ke, aaya jo Zuljanah

Samjhi Sakina Baba ko, laaya he Zuljanah

Dekhi jo zeen khaali toh, karne lagi ye bayn

Zuljanah, Zuljanah

Zuljanah, Zuljanah, Kuch Toh Bata Mujhko Zuljanah

Jo gaya he ghar se aa nahi saka… Haye Zuljana, Haye Zuljanah

Shaam hogaye he, din guzar gaya… Haye Zuljana, Haye Zuljanah

Kyun teri bage kateen zulm kya huwa

Khoon se tar he jabeen zulm kya huwa

Kyun he zeen khali, Baba he kahaan… Haye Zuljana (2x)

Pusht kyun he zakhmi, khoon he rawaan… Haye Zuljana (2x)

Mere Baba ke wafadar kuch bata

De mujhe sabr aur karaar kuch bata

Teer he badan par tere jaa ba jaa… Haye Zuljana (2x)

Kyun nahi bata-ta, Kya sitam huwa… Haye Zuljana (2x)

Teri khamoshi me he gham ki kya khabar

Kya me samjhun ke juda hogaye padar

Haath jorh kar me keh rahi thi naa… Haye Zuljana (2x)

Ji sakungi kayse Baap ke bina… Haye Zuljana (2x)

Ab jo dunya me mere Baba na rahe

Kon seene pe sulaye ga ab mujhe

Uth gaya jo sar se saaya-e-padar… Haye Zuljana (2x)

Soye gi Sakina kayse khaak par… Haye Zuljana (2x)

Shimr le jayega ab baaliya meri

Haye Saadat ki chadar bhi chiney-gi

Qatl ho gaya kya Fatima ka laal… Haye Zuljana (2x)

Ye dukhi Sakina ho ke pur malaal… Haye Zuljana (2x)

Tujh se ro-ro ke kar rahi thi ilteja

Mere Baba ko suu-e-dasht na leja

Har taraf he laashey, har taraf lahoo… Haye Zuljana (2x)

Dhundu me padar ko, kayse chaar-su… Haye Zuljana (2x)

Ayse be-dard la'eeno ke darmiyaan

Tu bata laashe padar paaungi kahaan

Bayn be-khata ke sun ke ro diya… Haye Zuljana (2x)

Sar jhuka ke apna ran ko chal diya… Haye Zuljana (2x)

Kya kahein Mesum aur Mazhar Abidi

Keh ke ye khaak par Sakina gir gayi