Chal Base Haaye Dunia Se Jab Mustafa

Teen Din Baad ye kia Sitam Hogaya

Aisa Badla Madina Kay Wa Ghurbataa

Wo Sitamgar Wo Aag Aur Dar e Fatima

Bola Darwaza Ye Aag ko Dekh kar

Hoon Dar e Fatima Kia Nahi Hai Khabar

Aag Aur Dar ki Baaten Suno

Main wo dar jiski Ahmed Ne Tazeem ki

Sar jukate hain Is Dar pe Jibraeel bhi

koi Khali Yahan Se Gaya Naa Kabhi

tu Jalane mujhe q Yahan Agai

Fatima Mere Peeche Hain Jaa Laut Jaa

Aag Tujhko Muhammad Ka Hai Wastaa

Phir Dar e Fatima Se Kaha Aag Ne

Kitni majbur Hoon kia Bataun Tujhe

Fatima Kon Hain Sab Khabar Hai Mujhe

Khud Parishan Hoon Main ye Dar Dekh kay

Kitni Bebas Hoon Bechain Hoti Hoon Main

Haaye Bibi s.a ki Ghurbat pe Roti Hoon Main

Phir ye Dar ne Kaha Aag Mat pass aa

Mujhko Thame khari Hain abhi Fatima

Teri Shiddat Se Isdam Agar main jala

Dast e Zehra Mere Sath Jal Jaiga

Dar Gira to Qayamat yahan Ayegi

Meekh Pehlu Mein Pewast Hojaigi

Aag Phir Dar Se Karne Lagi ye bayan

Leke aaii Hai Ummat Yahan Lakriyan

Ikhtiyarat De de Agar LaMakan

Zalimon Ka Mita dun main Naam o Nishaan

Kar Khuda Kay Sitam ye kabhi bhi na ho

Fatima Meri Shiddat Se Zakhmi Na Ho

Phir ye Hasrat Se Dar Ne Kaha Aag Se

Sath Bibi Kay Masoom bhi Hain khare

Zalimon ki Sadaon Se Sehme Hue

Rorahe Hain wo Maa ki Taraf Dekh Kay

puchte Hain Kay ye shor Kaisa hai Maa

Kon Darwaze pe Aag Laaya Hai Maa

Aag Ne Phir Kaha Aag e Barhte Hue

kaise Khud ko bujhaon Batade mujhe

Ghair Munkin hai Kay Zulm ab Ruk sake

ab jalainge ye Ummati Khud Tujhe

Aye Dar e Fatima Alwida Alwida

Waqt e Rukhsat hua Alwida Alwida

Haaye Zeeshan o Imran Dar Jal Gaya

Jal gaye Hath Zehra Kay Wa Ghurbataa

Aur Pehlu Pe jis Waqt wo Dar Gira

Pasliyan Tootee'n Moshin bhi mara gaya

Zulm Ahmed s.a.w.w ki Beti pe Hota Raha

Aag Roti Rahi Dar bhi Rota Raha