Teri kayenat mola, na libaas e kun pehenti, gar fatema na hoti

Kabhi bazme do jahaa(n) mein, nah ya ki baat chalti, gar fatema na hoti

1. Teri lam yalid ki baatein, koi maanta bhi kaise

Tere laa ilaah ki hurmat, koi jaanta bhi kaise

Jo banaayi tu ne duniya, tujhe kibriya na kehti, gar fatema na hoti

2. Ye kalaam-e paak saara, hai manqabat usi ki

Karta hai zikr uska, khud sura e nisa bhi

Tafseer hal ata ki, lafzo(n) mein kaise dhalti, gar fatema na hoti

3. Tune hi to kaha tha ek roz mustafa se

Takhleeq e do jahaa(n) hai, mansoob sayyada se

Main kuch nahi banata, haa(n) nasl mein tumhari, gar fatema na hoti

4. Saqlain mein ali ka, koi bhi kuffo nahi tha

Saara jahaan tera, ya rab nusairi hota

Sach to yahi hai ya rab, mola ali ki biwi, gar fatema na hoti

5. Is darja paak bibi, dekhi nahi koi bhi

Duniya ke saamne hai, quraan ki gawahi

Tatheer ki aayat, kiske liye utarti, gar fatema na hoti

6. Ye chaand aur sitaare, ye asmaa(n) ye dharti

Ye salsabeel kausar, jaageer hai usi ki

Kono makaa(n) pe tere, laa waarasi barasti, gar fatema na hoti

7. Dehleez e panjatan se, nisbat huwi hai jabse

Mashhoor Ho rahe hai, mere kalaam saare

Yoo(n) mazhar abidi ko, shohrat kabhi na milti, gar fatema na hoti