Allah ek hay,Panjetan panch hain Imam barah hain Masoom chohda hain..(3)
1) Pehlay Imam Ali a.s hain Laqab jin ka Murtaza..(2)
aur dosray Hassan a.s hain Laqab jin ka mujtaba..(2)
aur teesray Hussain a.s Shahanshah e karbala
Maa Fatima s.a hain jin ki Laqab jin ka Syeda s.a
2) Chohtay Imam Ali hain Laqab Zain ul Abideen
Kehtay hain jin ko Syed e Sajjad Momineen
aur ek laqab hay Abid e bemmaar o dil hazeen
sajjdon say jin kay ab bhi Munawar hay yeh zameen
3) Hain Panchway Imam Muhammad hay jin ka Naam
Baqar laqab say jantay hain in ko khass o aam
hay ilm meray panchway aqa ka bhi Ghulam
in ko salam kertay hain jibrail subah shaam
4) Hain momino kay Jafar e Sadiq a.s Chatay Imam
Jin ka kalaam lagta hay Quran ka kalaam
sadiq Imam ko tou hay sach bolnay say kaam
hay Fiqh e Jafri ki Shariyat inhi ka naam
5) Aur saathwain Imam ko Kazim a.s laqab mila
Mosa hay naam Jafar e sadiq a.s kay laal ka
Jo apni pori zindagi bus qaid main raha
tou qaid ko bhi sahib e Izzat bana diya
6) Hain Aathwain hain Imam Hamaray ALI RAZA a.s
Jin ko Imam e Zamin o Samin Laqab mila
Rozay main jin kay ek hay darwaza e shifa
Hoti hay her mareez ko sehat wahan ata
7) Apnay Nawain Imam laqab jin ka hay Jawad a.s
kertay hain jin ko naam e Muhammad Taqi a.s say yaad
Taqwa say jin kay haar gai qoum e bad nehad
sub nay samjh liya kay kiya hay nafs say jihaad
8) daswain Imam jin ka hay ism e jali Ali
Allah ki taraf say Mila hay laqab Naqi
Surat main jin ki baap ka tha husn e munjali
seerat main jin kay ai nazar seerat e Nabi saww
9) hain Giyarwain Imam Hassan jin ka naam hay
aur Askari laqab hay shah e khass o aam hay
yani khudai fouj ka jo intizaam hay
Sab in k hath main hay yeh in ka muqam hay
10) aur baarwain Imam zamanay kay tajwaar
jo apnay naam say hain payamber ki yaadgaar
ek wasf main jo wasf e Khuda say hum kinaar
parday main hay Imam tou parday main kirdigaar
11 )majid hay lab pe barah Imamo ka jo bayan
main is bayan say dehr main rehta hoon shadmaan
hota hay ziker Aqa ka meray jahan jahan
Mola kay sadqay ziker hay mera wahan wahan